Qazaqstannyń 24 sportshysy «Olımpıadalyq stıpendııaǵa» ıe boldy
Halyqaralyq Olımpıada komıteti «Tokıo-2020» jazǵy Olımpıada oıyndarynda top jarar degen úmitti sportshylardy tańdap aldy. Olarǵa 2018 jyldyń 1 qańtarynan bastap, HOK-tan qosymsha qarjy bólinip otyratyn bolady.
Stıpendııaǵa ıe bolǵan TOP-24 sportshylar: Nazym Qyzaıbaı (boks), Galbadrah Otgontsetseg (dzıýdo), Marııa Ovchınnıkova (jeńil atletıka), Karına Gorıcheva (aýyr atletıka), Olga Rypakova (jeńil atletıka), Ekaterına Larıonova (áıelder kúresi), Elmıra Syzdyqova (áıelder kúresi), Darıǵa Shákimova (boks), Dmıtrıı Balandın (júzý), Eldos Smetov (dzıýdo), Vasılıı Levıt (boks), Meırambek Aınaǵulov (kúres), Qaırat Eralıev (boks), Abylaıhan Júsipov (boks), Ábilhan Amanqul (boks), Kırıll Gerasımenko (ústel tennısi), Sergeı Emelıanov (kanoe), Andreı Ergýchev (kanoe), Dáýlet Nııazbekov (kúres), Qaırat Sarymsaqov (taekvondo), Alekseı Lýtsenko (velosport), Sultan Túzelbaev (sadaqpen atý), Sanjar Musaev (sadaqpen atý), Denıs Galkın (sadaqpen atý).
«Olımpıadalyq stıpendııa berý týraly HOK baǵdarlamasy keleshegi mol sportshylardy uzaq merzimdi qarjylaı qoldaýǵa baǵyttalǵan. Biz aqshany ulttyq federatsııalardan jınap, QR UOK-niń keńeıtilgen tizimin jasadyq. Odan keıin ony HOK-qa joldap, sol jaqta kimge stıpendııa berý kerektigi sheshildi. Atalǵan baǵdarlamanyń aıasynda kelesi jyly bastalyp ketetin joǵary bilikti saıystarǵa stıpendıattardy qatystyrý úshin qosymsha qarjy bólý múmkindigin qarastyramyz», - deıdi QR UOK Halyqaralyq qarym-qatynastar departamentiniń dırektory Álimjan Aqaev.
Aıta ketsek, «Olımpıadalyq nıettestik» - Halyqaralyq Olımpıada komıtetiniń olımpıadalyq damýdy alǵa jyljytýǵa baǵyttalǵan Ulttyq Olımpıada komıtetterimen birlese júrgizetin baǵdarlamasy.
