Qazaqstannyń 2050 jylǵa deıingi tómen kómirtekti damý strategııasy ázirlenedi
«Klımattyń ózgerý máseleleri kóptegen memleketterdiń ulttyq kún tártibinde. Jańartylǵan energııa kózderin damytý álemdik trendke aınaldy. Qazaqstan Parıj kelisimin ratıfıkatsııalap, 1990 jylǵa qaraǵanda 2030 jylǵa qaraı parnıktik gazdar shyǵaryndylaryn 15 paıyzǵa qysqartýǵa óz erkimen úles qosyp otyr. 2014 jyldan bastap kelisimniń mindettemeleri boıynsha elimizdegi shyǵaryndylarynyń kólemi ósýde. Mindettemelerdi oryndaý quraldarynyń biri kómirdi paıdalanýdan bas tartyp, jańartylatyn energııa kózderine kóship, lastaýshy zattardyń shyǵarylýyn jáne óndiris qaldyqtarynyń paıda bolýyn tómendetýge baǵyttaý bolyp tabylady», - dedi ol.
Mınıstrdiń aıtýynsha, jańartylatyn energııa kózderin damytý josparlaryn, sondaı-aq jasyl ekonomıkany odan ári jetildirýge baǵyttalǵan basqa da sharalardy iske asyrý jáne Parıj kelisiminiń mindettemelerin oryndaý úshin eldiń tómen kómirtektendirilýi boıynsha uzaq merzimdi kórsetkishin anyqtaý qajet.
«Bul úshin biz Qazaqstannyń 2050 jylǵa deıingi tómen kómirtekti damý strategııasyn ázirleýdi bastaımyz. Strategııada ekonomıka men energetıkanyń ártúrli damý stsenarııleri kezinde kómir men gazdy paıdalanýdy qysqartý nemese almastyrý sııaqty múmkindikteri kózdeletin bolady. Bul jumysqa Germanııa Úkimetinen 4,5 mln eýro granttyq jobasy aıasynda Halyqaralyq yntymaqtastyq jónindegi german qoǵamynyń sarapshylary tartyldy. Ekonomıkanyń barlyq salalary boıynsha taldaý júrgiziletin bolady. Bul jumysty 2020 jyldyń sońyna qaraı aıaqtaý josparlanyp otyr», dedi M.Myrzaǵalıev.
