Qazaqstannyń 2030 jylǵa deıingi kólik-logıstıka áleýetin damytý tujyrymdamasy jasaldy

ASTANA. QazAqparat – Qazaqstannyń 2030 jylǵa deıingi kólik-logıstıka áleýetin damytý tujyrymdamasy bıyl bekitiledi. Bul jaıynda Májilis depýtattarynyń saýalyna QR Premer-Mınıstriniń birinshi orynbasary Roman Sklıardiń jaýabynda aıtylǵan, dep habarlaıdy QazAqparat tilshisi.

«Búginde Qazaqstannyń 2030 jylǵa deıingi kólik-logıstıka áleýetin damytý tujyrymdamasy daıyndaldy. Onda atalǵan is-sharalardy iske asyrý jáne temirjol salasy naryǵyndaǵy básekelestikti damytý kózdelgen. Ony jyldyń sońyna deıin bekitý josparlanyp otyr. Bul tujyrymdama múddeli memlekettik organdarǵa jáne «Atameken« ulttyq kásipkerlik palatasyna kelisýge jiberildi. Atalǵan tujyrymdama kólik ınfraqurylymyn memleketaralyq, ulttyq jáne salalyq standarttardyń talaptaryna sáıkes keltirýge, sondaı-aq tsıfrlandyrý, avtomattandyrý, qozǵalysty retteý jáne basqarý quraldaryn odan ári jetildirýge, damytýǵa jáne engizýge baǵyttalǵan», - dedi Roman Sklıar.