Qazaqstannyń 2025 jylǵa deıingi strategııalyq damý jospary jańa redaktsııada ázirlenedi
NUR-SULTAN. QazAqparat - Qazaqstannyń 2025 jylǵa deıingi strategııalyq damý jospary jańa redaktsııada ázirlenedi. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.
«Memleket basshysynyń tapsyrmasymen álemdik jáne ulttyq ekonomıkadaǵy qazirgi jaǵdaıǵa baılanysty 2025 jylǵa deıingi strategııalyq damý jospary jańa redaktsııada ázirlenetin bolady. ol ınstıtýtsıonaldyq jáne qurylymdyq reformalardy júrgizýdi qamtıtyn orta merzimdi kezeńge arnalǵan jańa ekonomıka baǵytynyń negizgi baǵarlaryn aıqyndaıdy. Ekonomıkanyń jańa qurylymyn qalyptastyrý basty mindetke aınalady», - dedi otyrysty qorytyndylaǵan Úkimet basshysy.
Onyń atap ótýinshe, atalǵan strategııa ózin-ózin qamtamasyz etýdi arttyrýǵa, básekege qabiletti shıkizattyq emes sektorǵa sapaly ınvestıtsııa men qosylǵan qunnyń jahandyq jáne óńirlik tizbekterine kirýge negizdeledi.
«Ulttyq ekonomıka mınıstrligine strategııa josparynyń jańa redaktsııa jobasyn 2020 jylǵy 1 shildege deıin Úkimetke engizýdi tapsyramyn», - dedi Asqar Mamın.
