Qazaqstannyń 2022 jylǵy Olımpıada oıyndaryn ótkizýge úmitker bolýǵa múmkindigi bar - Jak Rogge
ALMATY. 1 aqpan. QazAqparat /Erlik Erjanuly/ - «Qazaqstannyń 2022 jylǵy Olımpıada oıyndaryn ótkizýge úmitker bolýǵa múmkindigi bar. Ótinishter qabyldaý 2015 jylǵa deıin sozylady.
Meniń oıymsha, Qazaqstannyń múmkindigi men resýrstary jetkilikti. Geografııalyq ornalasý jaǵdaıy da óte qolaıly. Sondaı-aq, kórnekti jeńimpaz sportshylary da bar», - dedi Halyqaralyq Olımpıada komıtetiniń prezıdenti Jak Rogge búgin Almatyda ótken baspasóz máslıhatynda.
J.Rogge Qazaqstanǵa 7-qysqy Azııa oıyndarynyń ótýine baılanysty kelgen bolatyn. «Men sport nysandaryn aralap kórdim. Barlyq nysandar óte tamasha. Bul saparym óte sátti dep oılaımyn. Jalpy, Olımpıada oıyndaryn ótkizýge úmitkerler az emes. Degenmen, uıymdastyrý jumysyndaǵy barlyq qıyndyqtardy eńserýge Qazaqstannyń áleýeti de, múmkindigi de jetkilikti», - dedi Halyqaralyq Olımpıada komıtetiniń prezıdenti.
