Qazaqstannyń 200 myńnan astam turǵyny zeınetaqy jınaǵyn paıdalandy
Bul týraly QazAqparat ««Otbasy bank» turǵyn úı qurylys jınaq banki» AQ baspasóz qyzmetine silteme jasap habarlaıdy.
Biryńǵaı jınaqtaýshy zeınetaqy qory (budan ári - BJZQ) «Otbasy bank» turǵyn úı qurylys jınaq banki» AQ-da ashylǵan («Báıterek» holdınginiń enshiles uıymy) qazaqstandyqtardyń arnaıy shottaryna 2021 jyldyń 8 shilde aıyndaǵy jaǵdaı boıynsha 1,5 trln teńgeden astam qarajat aýdardy (176 mlrd teńge 45 kúnniń ishinde paıdalanylmaǵan qarajat retinde BJZQ-na qaıtaryldy).
205 659 qazaqstandyq enpf-otbasy.kz platformasy arqyly turǵyn úı jaǵdaıyn jaqsartý jáne emdelý aqysyn tóleý úshin jalpy somasy 1,2 trln teńgege teń zeınetaqy tólemderin paıdalandy. Olardyń úshten biri - áıelder (64 685) jáne úshten ekisi - er adamdar (140 974).
Birjolǵy zeınetaqy tólemderin (budan ári - BZT) qoldaný boıynsha birinshi orynda Mańǵystaý oblysynyń turǵyndary tur (33 682 adam), olar jalpy somasy 312 mlrd teńge paıdalanǵan. Ekinshi orynda Nur-Sultan qalasy (32 216 adam), elorda turǵyndary 197 mlrd-qa jýyq teńge qoldanǵan. Almaty qalasy – úshinshi orynda (27 396 adam), almatylyqtar jalpy somasy 213 mlrd-qa jýyq teńgeni turǵyn úı jaǵdaıyn jaqsartý jáne emdelý aqysyn tóleýge jumsaǵan.
BZT-in enpf-otbasy.kz platformasy arqyly turǵyn úı jaǵdaıyn jaqsartý jáne emdeý úshin Mańǵystaý oblysynyń 40 pen 59 jas aralyǵyndaǵy er azamattary jıi paıdalanǵan. Áıelder arasynda Nur-Sultan qalasynyń 40 pen 59 jas aralyǵyndaǵy qyz-kelinshekteri kósh bastap tur.
BZT-in «Otbasy bankinde» ıpotekalyq turǵyn úı zaemyn alý úshin bastapqy jarna retinde qoldanǵan 9 359 qazaqstandyq, qaıtalama naryqtan turǵyn úı tańdaǵan (167 mlrd teńgeden astam). Qalǵan 1 729 adam, alǵashqy naryqtan turǵyn úı alýdy jón kórgen (36 mlrd teńgeden astam). 100-den astam adam zeınetaqy tólemderin qurylys, jóndeý jáne qaıta qarjylandyrýǵa jumsaǵan (2 mlrd teńgeden astam).
07.07.2021 jylǵy jaǵdaı boıynsha zeınetaqy tólemderin paıdalaný maqsattary:
37 428 klıent «Otbasy Bankindegi» zaem boıynsha qaryzyn tóledi (ishinara nemese tolyq).
27 646 klıent ıpotekalyq zaem boıynsha bereshegin ótedi, onyń ishinde ıslam bankiniń qarjylandyrýyn qosa alǵanda (ishinara nemese tolyq).
109 830 klıent ıpotekaǵa júginbeı, turǵyn úı satyp aldy (tolyq óteý).
11 254 klıent turǵyn úı qurylys jınaq júıesi boıynsha «Otbasy bankinen» ıpotekalyq turǵyn úı zaemyn aldy.
5 591 klıent ıpotekalyq zaem alý úshin bastapqy jarna tóledi (onyń ishinde ıslam bankiniń qarjylandyrýy sheńberinde)
2 351 klıent satyp alý quqyǵymen jalǵa alý sharty boıynsha bereshegin ótedi
302 klıent jeke turǵyn úı salý úshin (jer telimin satyp alýdy qosa alǵanda) paıdalandy
11 257 klıent emdelý aqysyn tóledi.
Qazirgi ýaqytta klıentterge qyzmet kórsetýge qatysty barlyq máseleler boıynsha kelesi arnalar jumys isteıdi:
1. Banktiń baılanys ortalyǵy. 300 qysqa nómiri boıynsha qyzmet kórsetedi
2. Tele2 jáne Altel abonentteri úshin aqysyz nómir 8 800 080 1880
3. Whatsapp arnasy. +7 705 925 13 01 telefony arqyly qyzmet kórsetedi
4. Vıdeo-bankıng. www.hcsbk.kz bank saıtynda beıne suhbat bastaýǵa bolady
5. Telegram-bot Qýanysh https://web.telegram.org/#/im?p=@quanysh_bot
6. Sizge yńǵaıly bolý úshin www.hcsbk.kz saıtyndaǵy arnaıy forma arqyly qońyraýǵa tapsyrys berýge bolady.
7. https://hcsbk.kz/faq/ jıi qoıylatyn suraqtarǵa jaýaptar jazylǵan saıttyń arnaıy bólimi. Osy jerden túsindirmeli beıne rolıkterdi de kórýge bolady.
8. Banktiń áleýmettik jelileri:
Instagram-daǵy resmı paraqsha
9. «Elektrondyq úkimet» saıtyndaǵy Basqarma tóraıymynyń resmı blogy:
