Qazaqstannyń 2 óńirinde kólik qozǵalysyna shekteý qoıyldy
NUR-SULTAN. QazAqparat – Aýa raıynyń buzylýyna baılanysty respýblıkanyń eki oblysynda jol ýchaskeleri jabyldy. Bul týraly QazAqparat Qazaqavtojol kompanııasynyń baspasóz qyzmetine silteme jasaı otyryp habarlaıdy.
16 qańtarda boranǵa baılanysty Saryózek-Kóktal tas jolynyń 3-80 shaqyrymynda, naqtyraq aıtqanda Saryózek stantsııasy - Basshı aýyly ýchaskesinde avtokóliktiń barlyq túri boıynsha qozǵalysqa shekteý engizildi.
16 qańtarda Almaty oblysynda aýa raıynyń nasharlaýyna baılanysty Almaty-Óskemen tas jolynyń 615-683 shaqyrymyndaǵy ýchaskede barlyq kólik túri úshin jol jabyldy.
16 qańtarda Shyǵys Qazaqstan oblysynda aýa raıynyń nasharlaýyna baılanysty (qatty jel, qarly boran) Almaty-Óskemen tas jolynyń 778-967 shaqyrymdyq ýchaskesinde júk jáne qoǵamdyq kólikterdiń qozǵalysyna shekteý engizilgenin (Aıagóz-Qalbataý) habarladyq.
16 qańtarda Shyǵys Qazaqstan oblysynda boran soǵyp, «Taskesken-Baqty-QHR shekarasy» avtojolynyń 84-187 shaqyrymyndaǵy Úrjar-QR shekarasy ýchaskesinde avtokólik quraldarynyń barlyq túriniń qozǵalysy shekteldi.
