Qazaqstannyń 19 jasqa deıingi jastar quramasy «Astana» fýtbol klýbynyń qosalqy quramymen joldastyq kezdesý ótkizedi
ALMATY. 24 jeltoqsan. QazAqparat - Astana qalasyndaǵy «Astana arena» stadıonynda 28 jeltoqsan kúni elimizdiń 19 jasqa deıingi jastar quramasy men «Astana» fýtbol klýbynyń qosalqy quramy arasynda joldastyq kezdesý ótedi.
Astanalyqtardyń bas bapkeri Igor Svechnıkov komandasyn bıyl 1994, 1995 jyldary týǵan jastarmen tolyqtyrǵan bolatyn. Olardyń arasynan qazir shabýylshy Ádil Balǵabaev pen jartylaı qorǵaýshy Abaı Júnisov qurama sapynda júr. Bul «astanalyqtardyń» jańa maýsymǵa daıyndyq kezindegi alǵashqy kezdesýi bolmaq. Al Mıhaıl Solovev jattyqtyratyn jastar quramasy úshin de ázirligin pysyqtaıtyn mańyzdy kezdesý bolmaq. Olar 4-14 qańtar kúnderi Reseıdiń Sankt-Peterbýrg qalasynda jastar quramalary arasynda ótetin Granatkın týrnırine qatysqaly otyr. Onda qazaqstandyqtar «S» tobynda Túrkııa, Fınlıandııa jáne Iran quramalarymen kúsh synaspaq. Oǵan óz daıyndyǵyn olar 19 jeltoqsanda Astana qalasynda bastaǵan bolatyn. Bul oqý-jattyǵý jıyny 30 jeltoqsan kúni aıaqtalmaq.
