Qazaqstannyń 18 mlrd dollar somasyndaǵy múddesi qorǵaldy

NUR-SULTAN. QazAqparat - Ádilet mınıstrligi Qazaqstan Respýblıkasynyń Ulttyq bankiniń shotynan zańsyz buǵatty alyp tastaýǵa qol jetkizdi, dep habarlaıdy QazAqparat tilshisi.

«2003-2018 jyldary memlekettiń 18 mıllıard dollar somasynda qarajat kólemindegi múddesi qorǵaldy. Sonymen birge, Bank of New York Mellon-nan Qazaqstan Ulttyq bankiniń 21,5 mlrd dollar somasyndaǵy zańsyz buǵaty alynyp tastaldy. Keltirilgen zııandy tóletý baǵytynda jumys júrgizilip jatyr», - dedi Marat Beketaev halyqpen esep berý kezdesýinde.

Onyń aıtýyna qaraǵanda, qazirgi tańda úsh zań jobasy boıynsha jumys júrgizilýde.

«Olar ákimshilik quqyqbuzýshylyq úshin sanktsııany jeńildetýge, sot pen memlekettik organ arasyndaǵy laýazymdardy shekteýge, ákimshilik quqyqbuzýshylyq týraly isterdi elektrondy formatqa kóshirýge baǵyttalǵan», - dedi mınıstr.