Qazaqstannyń 17 jasqa deıingi aıaqdopshylary Grýzııanyń
ALMATY. 29 qańtar. QazAqparat - Grýzııada oqý-jattyǵý jıynyn ótkizip jatqan Qazaqstannyń 17 jasqa deıingi jastar quramasy Zýgdıdı qalasynda jergilikti "Baııa" komandasymen ekinshi joldastyq kezdesýin ótkizdi.
Bul oıyn 0:0 esebimen aıaqtaldy. Buǵan deıin 25 qańtar kúngi alǵashqy kezdesýde qazaqstandyqtar 2:0 esebimen basym túsken edi. Konstantın Frolov jattyqtyratyn qazaqstandyqtar endi 31 qańtar men 2 aqpan kúni grýzııalyq qurdastarymen kúsh synaspaq. 2012 jyldyń 16 jeltoqsanynan beri elimizdiń bozbalalaryn jattyqtyryp júrgen ýkraınalyq aǵa bapker bul jıynǵa Almatyda 15-21 qańtar kúnderi ótken alǵashqy jıynnyń qorytyndysy boıynsha 21 sportshyny shaqyrǵan bolatyn. 21 qańtarda bastalǵan bul jıyn 3 aqpanǵa deıin sozylmaq.
