Qazaqstannyń 17 qalasynda «Biliktilik» emtıhany ótedi
ASTANA. 24 maýsym. QazAqparat - Biliktilikti jetildirý kýrstarynyń baǵdarlamasy boıynsha Qazaqstannyń 17 qalasynda 3 myńnan astam muǵalim biliktilik emtıhanyn tapsyrady,
dep habarlady rm.kz saıty «Nazarbaev Zııatkerlik mektepteri» AQ-nyń baspasóz qyzmetine silteme jasap.
Al Astanada 364 muǵalim «Nazarbaev Zııatkerlik mektepteri» AQ-nyń janyndaǵy Pedagogıkalyq sheberlik ortalyǵynda birinshi biliktilik emtıhanyn tapsyrýda.
«Emtıhannan ótken muǵalimder baǵdarlamanyń úshinshi bazalyq deńgeıiniń sertıfıkatyna ıe bolady jáne jalaqylaryna 30% ústemaqy alady», - dep atap kórsetiledi habarlamada.
Biliktilik emtıhany muǵalimderdi baǵalaýdyń qorytyndy protsedýrasy bolyp tabylady jáne ol Kembrıdj Ýnıversıtetimen birlesip daıyndalǵan test suraqtarynan turady.
Aıta ketý kerek, 2012 jyly «Nazarbaev Zııatkerlik mektepteri» AQ-nyń bazasynda 1 myń pedagogty, basqa ortalyqtarda 6 myńǵa jýyq muǵalimdi daıarlaý josparlanýda. Kembrıdj Ýnıversıteti men Pedagogıkalyq sheberlik ortalyǵynyń birlesken baǵdarlamasy boıynsha aldaǵy bes jyldyń ishinde 120 myńnan astam qazaqstandyq biliktilikterin jetildiredi.
