Qazaqstannyń 16 tarıhı eskertkishi ıÝNESKO-nyń búkilálemdik muralar tizimine qosylady

ASTANA. QazAqparat - Qazaqstannyń 16 tarıhı eskertkishi ıÝNESKO-nyń búkilálemdik muralar tizimine qosylady. Bul týraly búgin QR Mádenıet jáne sport mınıstrligi Mádenıet jáne óner isteri departamentiniń dırektory Aqtoty Raıymqulova málim etti.

«Búgingi ýaqytta ıÝNESKO-nyń búkilálemdik muralar tizimine Qazaqstannan 10 tarıhı eskertkish jáne adamzattyq materıaldyq emes muralar tizimine 3 rýhanı muramyz engizilgen. Atap aıtar bolsaq, 2003 jyly Qoja Ahmet ıAssaýı kesenesi, 2004 jyly Almaty oblysyndaǵy Tamǵaly petroglıfteri eskertkishi syndy muralarymyz bar», - dedi ol QR Prezıdenti janyndaǵy Ortalyq kommýnıkatsııalar qyzmetindegi brıfıng barysynda.

Sonymen qatar ol 2014 jyly transshekaralyq atalym boıynsha Qyrǵyzstan, Ózbekstan, Qyrǵyzstan jáne Qytaıdyń 4 kezeńge bólingen úlken jobasynyń birinshi satysy engizilgenin, ol Jetisý, Syrdarııa boıyndaǵy eskertkishterdi qamtıtyndyǵyn atap ótti.

«Endigi ýaqytta Syrdarııa bóligindegi bizdiń 16 nysanymyz boıynsha materıaldar daıyndalý ústinde. Ol kelesi jyly nemese odan keıingi jyly tapsyrylady. Qazirgi ýaqytta Qytaı, Qyrǵyzstan, Ózbekstan jáne Tájikstan ǵalymdarmen birlesip, qujattamasy daıyndalýda», - dedi A.Raıymqulova.

A.Raıymqulovanyń atap ótýinshe, búginde elimizde halyqaralyq deńgeıdegi 10 eskertkish, respýblıkalyq deńgeıdegi 219 jáne jergilikti deńgeıdegi 11 266 eskertkish bar.

«Jalpy, 2014 jyldan bastap 2015 jylǵa deıin elimiz boıynsha 119 tarıhı jáne mádenı eskertkishke qalpya keltirý jumystary júrgizildi. Olardyń birqatar búginde týrıster jıi kelip turatyn orynǵa aınalyp otyr», - dedi departament basshysy.