Qazaqstannyń 16 óńirinde bala quqyǵy jónindegi ombýdsmen taǵaıyndaldy

ASTANA. QazAqparat - Qazaqstannyń 16 óńirinde Bala quqyqtary jónindegi ýákilder taǵaıyndaldy. Olardyń qatarynda úkimettik emes uıymdar men qoǵamdyq birlestikterdiń jetekshileri, balalar quqyǵyn qorǵaýda tájirıbesi bar azamattar bar, dep habarlaıdy QazAqparat.

Endi balanyń quqyqtary men múddeleri buzylǵan jaǵdaıda ata-analar, balalar jáne basqa da kez kelgen azamattar óz aımaǵyndaǵy ýákildiń kómegine júgine alady.

Kandıdattar oblys pen respýblıkalyq mańyzy bar qala ákimderiniń sheshimimen taǵaıyndalady.

Bala quqyqtary jónindegi ýákil balanyń quqyqtary men zańdy múddeleriniń buzylýy týraly ótinishterdi, jergilikti atqarýshy organdardyń jáne ózge de uıymdardyń áreketterine nemese áreketsizdigine qatysty shaǵymdardy qaraıdy.

Olar sondaı-aq balalardy qorǵaý salasyndaǵy máselelerdi sheshýge arnalǵan zań jobalaryn ilgeriletýge qatysady.

Sonymen qatar bala quqyqtary jónindegi ombýdsmender balalarǵa arnalǵan uıymdarǵa kedergisiz kire alady. Sondaı-aq olar qoǵamdyq negizde jumys isteıdi.

«Nur-Sultan jáne Shymkent qalalarynda, sondaı-aq Mańǵystaý, Túrkistan, Aqtóbe, Shyǵys Qazaqstan, Qostanaı, Batys Qazaqstan, Jetisý, Jambyl, Pavlodar, Qaraǵandy, Soltústik Qazaqstan, Aqmola, Abaı, Almaty oblystarynda balalardyń quqyqtaryn qorǵaý jónindegi ýákilder taǵaıyndaldy. Al qalǵan 4 oblysta kandıdattar tizimi áli qaralyp jatyr. Biz komıtet ókilderi retinde balalardyń quqyqtaryn qorǵaý jónindegi ýákildermen belsendi jumys isteımiz» , - dedi Oqý-aǵartý mınıstrligi bala quqyǵyn qorǵaý komıteti tóraǵasynyń orynbasary Elına Paýlı.

BALA QUQYQTARY JÓNІNDEGІ ÝÁKІLDERDІŃ TІZІMІ:

1. Bımendına Ásıma Temkenqyzy (Astana q.)

2. Bolatbaeva Tilektes Amanqosqyzy (Mańǵystaý oblysy)

3. Verotskaıa Gúljan Eralyqyzy (Túrkistan oblysy)

4. Edil Qonaıuly (Aqtóbe oblysy)

5. Kalenova Aksana Aleksandrovna (Shyǵys Qazaqstan oblysy)

6. Amanqulova Araılym Jumaǵalıqyzy (Qostanaı oblysy)

7. Ótebalıeva Shattyq Samatqyzy (Batys Qazaqstan oblysy)

8. Sısekenova Raıhan Maratqyzy (Jetisý oblysy)

9. Baǵjanov Dáýren Oraluly (Jambyl oblysy)

10. Pokıdova Natalıa Sergeevna (Pavlodar oblysy)

11. Jazyqbaeva Janneta Qanaıqyzy (Shymkent q.)

12. Kıseleva Irına Boleslavovna (Qaraǵandy oblysy)

13. Suraǵanova Sáýle Qýandyqqyzy (Soltústik Qazaqstan oblysy)

14. Asaınova Ásem Ánýarbekqyzy (Aqmola oblysy)

15. Esimbekova Aıgúl Qanatqyzy (Almaty oblysy)

16. Júnisova Elzıra Áýeshanqyzy (Abaı oblysy)