Qazaqstannyń 14 óńirinde elektr qýatynyń baǵasy ósti - TMRA
ASTANA. 15 qańtar. QazAqparat - 2014 jylǵy 1 qańtardan bastap eldiń 14 óńirinde elektr energııasynyń tarıfi ózgerdi. Bul týraly búgin Astanada QR Tabıǵı monopolııalardy retteý agenttiginiń tóraǵasynyń orynbasary Amanjol Alpysbaev málim etti.
«Ózderińiz bilesizder, 2014 jylǵy 1 qańtardan bastap eldiń 14 óńirinde elektr energııasynyń tarıfi ózgerdi. Bul josparly ózgertý QR Úkimetiniń 2009 jylǵy 25 naýryzdaǵy № 392 qaýlysyn oryndaý maqsatynda júrgizildi», - dep atap ótti ol.
Onyń aıtýynsha, tarıfter barlyq óńirde shamamen 1 teńge kóleminde joǵarylaǵan. «Aqtóbe oblysyn alyp qarasaq, onda elektr energııasynyń tarıfteri 17 tıynǵa ózgergen. Almaty oblysynda 1 teńge 05 tıynǵa ósken», - dedi A.Alpysbaev.
