Qazaqstannyń 13 óńirinde 370 medıtsınalyq qyzmetker COVID-19 juqtyrǵan

NUR-SULTAN. QazAqparat - Koronavırýs ınfektsısyn juqtyrǵan medıtsınalyq mamandar arasynda medbıkeler kósh bastap tur. Bul týraly QR Densaýlyq saqtaý vıtse-mınıstri Lázzat Aqtaeva aıtyp berdi, dep habarlaıdy QazAqparat tilshisi.

«Infektsııa juqtyrǵan medıtsınalyq qyzmetkerler arasynda aýyr halde jatqandar joq. Qazirgi ýaqytta Qazaqstannyń 13 óńirinde 370 medıtsınalyq qyzmetkerdiń koronavırýs ınfektsııasyn juqtyrý jaǵdaıy tirkeldi. Ásirese, Almaty qalasynda - 197, Nur-Sultan - 92, SQO - 15, Atyraý oblysynda - 17 medıtsınalyq qyzmetker aýrý juqtyrǵan», - dedi vıtse-mınıstr Ortalyq kommýnıkatsııalar qyzmetinde ótken brıfıngte.

Onyń aıtýynsha, koronavırýs ınfektsııasyn juqtyrǵandardyń 28 paıyzy - dárigerler, 48 paıyzy - medbıkeler jáne 23 paıyzy - kishi medıtsınalyq qyzmetkerler.