Qazaqstannyń 13 oblysynda ózender arnasynan tasýy múmkin
ASTANA. QazAqparat - Qazaqstannyń 13 oblysynda keı ózenderdiń arnalarynan tasý qaýpine baılanysty eskertý jarııalandy, dep habarlaıdy QazAqparat QR ІІM Tótenshe jaǵdaı komıtetine silteme jasap.
26-28 naýryzda Shyǵys Qazaqstan oblysynda kúnniń jylynýyna jáne keı jerlerde nóser jańbyr jaýatyny týraly boljamǵa baılanysty muz jamylǵysynyń buzylýy, ózen arnalarynyń tarylýy, jergilikti jáne baýraıly aǵynnyń qalyptasýy, sý deńgeıiniń kóterilýi jáne shabyndyqtarǵa sý jaıylýy múmkin.
Bul kúnderi oblysta jaýyn-shashyn (jańbyr, qar) túsip, keı jerlerde nóser jaýyn jaýady; tuman, kóktaıǵaq, burqasyn kútiledi. Ońtústik-batystan jel soǵady, kúshi 15-20, keı jerlerde 23-28 m/s, ekpini 30 m/s-an asyp jyǵylady.
26 naýryzda Almaty, Jambyl oblystarynda jaýyn-shashyn túsip, keı jerlerde nóser jaýyn jaýady jáne aýa temperatýrasynyń joǵarylaýyna baılanysty jergilikti jáne baýraıly aǵyndardyń qalyptasýy, sý deńgeıleriniń kóterilýi kútiledi.
26-30 Qaraǵandy, Aqmola, Qostanaı oblystarynda joǵary aýa temperatýrasy saqtalady jáne erigen qar sýynan keı ózenderde sý deńgeıi kóterilýi múmkin.
26-27 naýryz kúnderi Soltústik Qazaqstan jáne Pavlodar oblystarynda jyly aýa raıy saqtalyp, qar erip, aǵyn sýlar paıda bolýy múmkin. Jaýyn-shashyn túsýine baılanysty jekelegen ózenderde sý deńgeıi kóterilýi múmkin.
26-30 naýryz kúnderi Batys Qazaqstan, Atyraý, Aqtóbe oblystarynda aýa temperatýrasy kóterilip, jaýyn-shashyn jaýýyna baılanysty jekelegen ózenderde sý deńgeıi kóterilýi múmkin.
26 naýryz kúni Syrdarııa (Qyzylorda oblysy aýmaǵynda) ózeni aýa raıynyń jylynýynan arnasynan tasýy múmkin.
26-28 naýryz aralyǵynda Ońtústik Qazaqstan oblysynda kúnniń jylynýy men jaýyn-shashynnyń túsýine baılanysty keıbir taý ózenderinde sý deńgeıiniń kóterilýi men jaıylymdarǵa sý jaıylýy múmkin.
