Qazaqstannyń 13 qalasynda aýa sapasy tómendeıdi
ASTANA. QazAqparat - 8 aqpandaǵy meteorologııalyq jaǵdaılar elimizdiń 13 qalasynyń atmosferasynda lastaýshy zattardyń jınalýyna yqpal etedi, dep habarlaıdy «QazAqparat» HAA «Qazgıdromet» RMK-ǵa silteme jasap.
Sınoptıkterdiń boljamynsha, qolaısyz meteojaǵdaılar Aqtóbe, Almaty, Astana, Qaraǵandy, Qostanaı, Kókshetaý, Pavlodar, Petropavl, Taldyqorǵan, Taraz, Oral, Óskemen, Shymkent qalalarynda aýada lastaýshy zattardyń shoǵyrlanýyna yqpal etetin bolady.
Aýanyń lastanýyna boljam jasaýda atmosferadaǵy zııandy (lastaýshy) zattardyń jınalýyna yqpal etetin meteorologııalyq faktorlar, atap aıtqanda, jelsiz aýa, baıaý jel, tuman, ınversııa eskeriledi.
