Qazaqstannyń 11 óńirinde aýa raıyna baılanysty eskertý jarııalandy
NUR-SULTAN. QazAqparat - 4 tamyzda Ulytaý oblysynyń ortalyǵynda jáne ońtústiginde naızaǵaı oınaıdy. Shyǵys jeliniń ekpini naızaǵaı kezinde 15-20 m/s bolady, dep habarlaıdy QazAqparat Qazgıdromteke silteme jasap.
Qaraǵandy oblysynyń ortalyǵynda, ońtústiginde jáne shyǵysynda da naızaǵaı oınaıdy. Soltústik-shyǵys, shyǵys jeli naızaǵaı kezinde 18-23 m/s jyldamdyqpen soǵady.
4-6 tamyzda Іle Alataýynyń keı jerlerinde naızaǵaı bolady. Ońtústik-batys jeliniń ekpini - 17-22 m/s. Jetysý Alataýynda kúndiz keı jerlerde qatty jańbyr jaýady. Ońtústik-batys jeli 15-20 m/s deıin soǵady. Qyrǵyz Alataýynda keı ýaqytta qatty jańbyr jaýyp, naızaǵaı oınaıdy, burshaq túsip, daýyl soǵady. Batys, ońtústik-batys jeliniń ekpini - 15-20 m/s. Talas Alataýynda da keı ýaqytta naızaǵaı oınap, daýyl soǵady. Jel batys baǵyttan 15-20 m/s deıin barady. Batys Altaıda kúndiz keı jerlerde naızaǵaı oınaıdy, Tarbaǵataıda 5-6 tamyzda naızaǵaı oınaıdy. Shyǵys jeli, kúndiz keı jerlerde - 15-20 m/s.
4 tamyzda Abaı oblysynyń ońtústiginde tótenshe órt qaýpi saqtalady.
Kúndiz Batys Qazaqstan oblysynda 35 gradýs qatty ystyq kútiledi.
Aqmola oblysynyń ońtústik jartysynda soltústik-shyǵystan jel soǵady, ekpini - 15-20 m/s.
Kúndiz Jetisý oblysynyń taýly aýdandarynda qatty jańbyr jaýyp, naızaǵaı túsedi. Ońtústik-batystan jel soǵady, naızaǵaı kezinde ekpini - 15-20 m/s.
Búgin kúndiz Aqtóbe oblysynyń batysynda, ońtústiginde naızaǵaı kútiledi.
Túnde jáne tańerteń Qostanaı oblysynyń batysynda, soltústiginde tuman túsedi. Soltústik-shyǵystan jel soǵady, oblystyń shyǵysynda, ońtústiginde - 15-20 m/s.
4 tamyzda Qyzylorda oblysynyń soltústiginde, shyǵysynda naızaǵaı oınap, daýyl soǵady. Jel soltústikten, ekpini 15-20 m/s kútiledi. Oblystyń basym bóliginde tótenshe órt qaýpi saqtalady.
Kúndiz Jambyl oblysynyń taýly aýdandarynda qatty jańbyr jaýady. Táýlik boıy oblystyń ońtústiginde, soltústiginde, shyǵysynda naızaǵaı, burshaq, daýyl kútiledi. Batys, ońtústik-batystan jel soǵady.
