Qazaqstannyń 11 oblysynda naızaǵaı oınaıdy - 24 sáýirdegi aýa raıy boljamy
ASTANA. 23 sáýir. QazAqparat - 24 sáýirde Qazaqstan aýmaǵynyń basym bóligi atmosferalyq aǵyndar yqpalynda bolyp, keı jerlerde jańbyr jaýyp, naızaǵaı oınaıdy, jel kúsheıedi.
Bul týraly TJM baspasóz qyzmeti Qazgıdrometke silteme jasap habarlaıdy.
Almaty, Jambyl, Ońtústik Qazaqstan, Qyzylorda, Atyraý, Batys Qazaqstan, Soltústik Qazaqstan, Qaraǵandy, Shyǵys Qazaqstan, kúndiz Aqtóbe, Pavlodar oblystarynda keı jerlerde naızaǵaı oınap, jeldiń ekpini 15-22 m/s-ke deıin kúsheıedi.
Aqmola oblysynda - keı jerlerde jeldiń kúshi sekýndyna 15-20 metrge jetedi.
Qostanaı oblysynda keı jerlerde naızaǵaı oınap, jeldiń kúsheıýi 15-20 m/s-ke jetýi, túnde jáne tańerteń tuman túsýi kútilýde.
Taıaýdaǵy táýlikterde respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sý deńgeıiniń qubylýy baıqalady. Pavlodar oblysy sheginde Ertis ózeninde Shúlbi sý qoımasynan sýdyń mol kelýinen ózen deńgeıi kóterilýi jalǵasady.
