Qazaqstannyń 11 oblysynda aýa raıyna baılanysty eskertý jasaldy

30 jeltoqsanda kúndiz Qyzylorda oblysynyń basym bóliginde jaýyn-shashyn (qar, jańbyr) kútiledi. Soltústikte, oblys ortalyǵynda tuman túsip, kóktaıǵaq bolady.

Qyzylordada tańerteń jáne kúndiz jaýyn-shashyn (qar, jańbyr), tuman, kóktaıǵaq kútiledi.

Qaraǵandy oblysynyń ońtústigi men shyǵysynda tuman, kóktaıǵaq kútilýde, oblystyń soltústiginde – jaıaý burqasyn, joldardy qar basady.

30-31 jeltoqsanda túnde jáne tańerteń Jambyl oblysynyń ońtústiginde, oblystyń taýly aımaqtarynda tuman túsip, kóktaıǵaq kútiledi. 30-31 jeltoqsanda ooblystyń ońtústik-batysynda ońtústik-batystan jel soǵady, taýly aımaqtarda jel ekpini 15-20 m/s, 31 jeltoqsanda – 25 m/s deıin jetedi.

Tarazda 30-31 jeltoqsanda túnde jáne tańerteń keı jerlerde tuman túsip, kóktaıǵaq bolady.

30 jeltoqsanda túnde Mańǵystaý oblysynyń batysynda, soltústik-shyǵysynda tuman, kóktaıǵaq kútiledi.

Aqtaýda 30 jeltoqsan túninde kóktaıǵaq kútiledi.

Aqmola oblysynyń batysynda, soltústiginde, ońtústiginde jaıaý burqasyn kútiledi. Oblystyń soltústik-shyǵysynda tuman túsedi.

Soltústik Qazaqstan oblysynyń ońtústik-batys, batysynda jaıaý burqasyn kútiledi. Oblystyń batysy men soltústiginde tuman kútiledi. Petropavlda túnde jáne tańerteń tuman túsedi.

Batys Qazaqstan oblysynda túnde soltústikte, shyǵysta, kúndiz oblystyń soltústik jartysynda kóktaıǵaq kútiledi. Oblystyń batysynda, soltústiginde, shyǵysynda tuman bolady. Oralda kóktaıǵaq bolyp, tuman túsedi.

Pavlodar oblysynyń soltústigi men shyǵysynda tuman kútiledi.

Jetisý oblysynyń soltústiginde, ortalyǵynda, taýly aımaqtarynda tuman, kóktaıǵaq kútiledi.

Túrkistan oblysynyń ońtústiginde, batysynda, taýly jáne taý bókterindegi aımaqtarynda tuman túsip, kóktaıǵaq kútiledi. Ońtústik-batystan soǵatyn jel ekpini taýly asýlarynda 15-20 m/s deıin jetedi. Shymkentte, Túrkistanda keı jerlerde tuman túsedi.

30 jeltoqsanda kúndiz Qostanaı oblysynyń basym bóliginde qar jaýady dep boljanýda. Oblystyń ońtústiginde jaıaý burqasyn, soltústikte tuman bolady.