Qazaqstannyń 11 qalasynda balabaqshaǵa elektrondy bólý júıesi engizilgen
QR BǴM baspasóz qyzmeti taratqan málimetke saı, avtomatty túrde elektrondy tirkeý kezinde balanyń jetistikteri men oqytý traektorııasy jazylǵan elektrondyq tólqujat jasalady. Engizilip jatqan sandyq tehnologııalar bilim berý salasyndaǵy úrdisterdiń ashyqtyǵyn qamtamasyz etip, bilim alýshylardyń bilim sapasy men baǵdarlamany meńgerý deńgeıin jaqsarta túspek.
«Bilim berý salasyndaǵy tsıfrlandyrý oqytý derekqory boıynsha jalpy málimetter bazasyn qurý arqyly bilim berý salasynyń barlyq deńgeılerin qamtıdy - mektepke deıingi, orta, tehnıkalyq jáne kásibı, joǵary» delingen habarlamada.
Sondaı-aq, bıyl bilim berýdiń barlyq salalaryn basqarý júıesin biriktirý aıaqtalatyn bolady, bul óz kezeginde bilim berý úrdisteriniń biryńǵaı koordınatsııasyn qamtamasyz etip, bilim alýshylar boıynsha aqparattyń júıelenýine ákeledi. Aldaǵy ýaqytta bul bilim berý úrdisin jáne adamı kapıtaldy damytýǵa arnalǵan jasandy ıntellekt engizýge múmkindik beredi. 2019 jyldyń sońyna deıin respýblıkalyq, oblystyq jáne aýdandyq deńgeıdegi bilim berý uıymdarynyń 100%-na bilim berýdiń barlyq deńgeıleri boıynsha aqparattyq júıeler engiziletin bolady.