Qazaqstannyń 11 qalasynda aýa sapasy nasharlaıdy
ASTANA. QazAqparat - Seısenbi, 11 jeltoqsan kúni Qazaqstannyń 11 qalasynda meteorologııalyq jaǵdaı jaısyz bolady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqtaý, Aqtóbe, Astana, Atyraý, Qaraǵandy, Qostanaı, Qyzylorda, Taldyqorǵan, Óskemen, Kókshetaý jáne Petropavl qalalarynda meteorologııalyq jaǵdaı qolaısyz bolady. Atmosferada lastaýshy zattar shoǵyrlanýy yqtımal.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldimekenderdegi atmosferalyq aýanyń sapasy nasharlaýy yqtımal.
