Qazaqstannyń 104 mektebinde 12 jyldyq oqý júıesine aýysý boıynsha tájirıbelik jumys júrgizilýde
ASTANA. 15 qańtar. QazAqparat - Elimizdiń 104 mektebinde 12 jyldyq oqý júıesine aýysý boıynsha tájirıbe júrip jatyr, atap aıtqanda 45 aýyl jáne 59 qala mektebinde, dep habarlady QR Bilim jáne ǵylym mınıstrliginiń baspasóz qyzmetinen Pm.kz saıtyna.
Oǵan qosa, 2011 jyly respýblıkalyq bıýdjettiń esebinen 569 bıologııa kabıneti, 569 lıngafondyq-mýltımedııalyq kabınet satyp alyndy. Búgingi tańda 3247 mektep jańa modıkatsııalyq fızıka kabınetterimen (43,5%), 1464 mektep - hımııa kabınetterimen (19,6%), 2493 mektep - bıologııa kabınetterimen (33,4%) jáne 3805 mektep - lıngafondyq- mýltımedııalyq kabınettermen (51,0%) jaraqtalyp otyr.
Shaǵyn quramda mektepterdiń problemalaryn sheshý úshin 26 tirek mektebi (resýrstyq ortalyqtar) quryldy.
Josparǵa sáıkes, 12 jyldyq bilim júıesine aýysý 2015-2016 oqý jyldaryna josparlanǵan. 2015 jyly - 1, 5, 11 synyptarda 12 jyldyq oqý modeliniń standarttaryn engizý bastalady. 2015-2016 oqý jylynda 1 synypqa baratyn oqýshylardyń sany 6-7 jastaǵy 624 myńnan astam balany quraıdy dep boljanýda. 2015 jyly 1 qyrkúıekte mektepterdegi oqýshylardyń sany, 2014 jylmen salystyrǵanda, 2 esege artady.
