«Qazaqstannyń 100 jańa esimi» jobasyna daýys berý merzimi uzartyldy

NUR-SULTAN. QazAqparat - Qazaqstandyqtardyń kóptegen ótinishi boıynsha «Qazaqstannyń 100 jańa esimi» jobasynyń IV maýsymyndaǵy halyqtyq daýys berý 2021 jyldyń 12 sáýirine deıin uzartyldy, dep habarlaıdy QazAqparat Aqparat jáne qoǵamdyq damý mınıstrligine silteme jasap.

«Jobanyń 2 790 qatysýshysy arasynan unaǵan úmitkerlerdi tańdaý úshin 100janaesim.ruh.kz saıtynda daýys berý protsedýrasynan ótýińiz kerek. Qazirgi ýaqytta Qazaqstannyń ǵana emes, sonymen qatar shet elderdiń turǵyndary da óz kandıdattaryn belsendi qoldap keledi.
Uıymdastyrýshylar erejelerdi buzýshylyqtardy nemese basqa da falsıfıkatsııany, onyń ishinde onlaın daýys berý kezinde daýystardy aldap jınaýdy anyqtaǵan jaǵdaıda qatysýshyny jobadan shyǵarýǵa quqyly», delingen habarlamada.

Árbir sanatta bir IP-adresten bir adamǵa ǵana daýys berýge bolady. Qatysýshylardyń daýystary saýalnamanyń joǵarǵy oń jaǵynda kórsetilgen.
«IV maýsymnyń jeńimpazdary daýys berý nátıjeleri boıynsha jáne bedeldi qazylar alqasy jumysynyń nátıjeleri boıynsha anyqtalady.
Esterińizge sala keteıik, «Qazaqstannyń 100 jańa esimi» jobasy iske qosylǵan kezden bastap, ıaǵnı 4 jyldyń ishinde, 163 fınalıst anyqtaldy. Bıyl joba Táýelsizdiktiń 30 jyldyǵy aıasynda ótip jatyr», delingen habarlamada.