«Qazaqstannyń 100 jańa esimi»: 27 úmitker myńnan artyq daýys jınady
Aıta ketsek, 100esim.el.kz saıtynda onlaın daýys berý 18 qazanda bastalǵan bolatyn. Jobaǵa tańdalǵan 302 adamnyń 32-si - mádenıet, 83 - qoǵam, 51 - bıznes, 46 - medıtsına, 47 - ǵylym jáne 43 - sport salasynyń ókilderi. 29 qazan kúngi kórsetkish boıynsha Qazaqstanda atalǵan jobaǵa 31 myń adamnyń daýys bergeni habarlanǵan edi.
Endigi rette myń daýystan artyq jınaǵan úmitkerlerdi saralap kórelik. Sport salasynda «myńdyqtyń» ishine eki ǵana úmitker, naqtyraq aıtqanda Almas Beısenov (1241) pen Vıtalıı Dıdenko (1230) ǵana engen. Jobanyń dál osy tarmaǵyna daýys berýshilerdiń sany az bolyp tur. Sportpen birge mádenıet salasynda da myń daýys jınaǵan úmitkerlerdiń sany ekeý. Olar Rahat-Bı Abdysaǵın (2947) men Alekseı Ladochnıkov (1425).
Ǵylym salasynda Kúlbaram Baıazıtova 2135, Qýat Esenov 1349, Qýanysh Jumabekov 1440, Tatıana Kýcher 1685 daýys jınap, úzdik úmitkerlerdiń qatarynan tabylǵan. Bıznes boıynsha Qaırat Moldaseıitov 3450 jınap kósh aldyna shyqsa, odan keıingi Qýanysh Súleımenov (2529), Gennadıı Zenchenko (1946) men Garık Bernetsıannyń da (1455) Qazaqstannyń 100 jańa esiminiń qataryna enýge múmkindik týyp otyr.
Daýys berýshiler aq halatty abzal jandarǵa kelgende erekshe belsendi. Medıtsına salasynda Bolatbek Baımahanov (2574), Jasan Zekeıuly (2789), Dana Beshıbaeva (1387), Almat Qodasbaev (1825), Andreı Kýharýk (1039), Nurqası Abatov (1003) myń daýystan artyq jınaǵan. Al qoǵam salasy boıynsha myń daýys alǵandardyń sany - 9. Olar: Valentın Alıfanov (1002), Aqserik Aıtımov (2232), Bella Gazdıeva (2621), Elena Dmıtrıenko (1039), Rashbıl Evdaev (1146), Erjan Jumabek (1312), Sembek Seıdazımov (2364), Maksım Chernýtskıı (1293).
Eske sala ketsek, «Qazaqstannyń 100 jańa esimi» jobasyna onlaın daýys berý 10 qarashada aıaqtalady.
