Qazaqstannyń 10 joǵary oqý ornynyń bas lıtsenzııalarynyń kúshi 6 aıǵa toqtatyldy - Bilim jáne ǵylym mınıstrligi
ASTANA. 29 qarasha. QazAqparat /Janna Qorqytova/ - Qazaqstannyń 10 joǵary oqý ornynyń bas lıtsenzııalarynyń kúshi 6 aıǵa toqtatyldy,
dep habarlady bilim jáne ǵylym mınıstrliginiń resmı saıty.
«Aǵymdaǵy oqý jylynyń basynan beri elimizdiń 16 joǵary oqý ornynda memlekettik baqylaý júrgizilip, onyń nátıjesi boıynsha birqatar ákimshilik sharalar qabyldandy. Atap aıtqanda, 10 oqý ornynyń bas lıtsenzııalarynyń kúshi 6 aıǵa toqtatyldy», delingen resmı aqparatta. Olar: Halyqaralyq bıznes-akademııasy, «Aqmeshit» gýmanıtarlyq-tehnıkalyq ınstıtýty, Kazaq-Qytaı ýnıversıteti, Qazaq eńbek jáne áleýmettik qatynastar akademııasy, Ó.Joldasbekov atyndaǵy ekonomıka jáne quqyq akademııasy, Akademııalyq ınnovatsııalyq ýnıversıteti, Qazaqstan ınjenerlik-tehnologııalyq ýnıversıteti, «Bolashaq» Mańǵystaý ınstıtýty, S.Báıishev atyndaǵy Aqtóbe ýnıversıteti, Kókshetaý ekonomıka jáne menedjment ınstıtýty.
Sondaı-aq, kelesi joǵary oqý oryndarynyń jekelegen mamandyqtar boıynsha lıtsenzııasynyń qoldanysy toqtatyldy. Komıssııanyń sheshimi boıynsha S.Amanjolov atyndaǵy Shyǵys Qazaqstan memlekettik ýnıversıteti - 8 mamandyq, A.Baıtursynov atyndaǵy Qostanaı memlekettik ýnıversıteti - 15 mamandyq, D.Serikbaev atyndaǵy Shyǵys Qazaqstan memlekettik tehnıkalyq ýnıversıteti 18 mamandyq boıynsha attestattatsııadan ótkizilgen joq.
Joǵaryda atalǵan joǵary oqý oryndaryna jalpy somasy 2 939 040 teńge ákimshilik aıyppul salyndy.
Bilim alýshylar kontıngenti, onyń ishinde oqýǵa qabyldaý, tájirıbe, materıaldyq-tehnıkalyq baza, oqý jáne ǵylymı zerthanalyq bazalar boıynsha QR MJMBS talaptarynyń, mamandyqtar standarttarynyń, biliktilik talaptarynyń oryndalmaýy sııaqty buzýshylyqtar ákimshilik sharalar qoldanýǵa negiz boldy.
