Qazaqstannyń 10 úzdik kommentatory anyqtaldy
ASTANA. 26 sáýir. QazAqparat - KTK telearnasynyń bastamasymen ótip jatqan «Ulttyq kommentator» baıqaýynyń búgingi qorytyndysy boıynsha 10 úzdik kommentator irikteldi.
Jalpy, baıqaý bastalǵaly beri oǵan qatysý úshin 200-den astam adam ótinish bildirgen. Búginde konkýrstyń alǵashqy kezeńi aıaqtalyp, 10 úzdik kommentator irikteldi. Olardyń ishinde Arman Abdýlhanov, Fardın Djýmanııazov, Vıtalıı Gorbachev, Qobylandy Danaǵulov, Ilham Ýshýrov, Erkebulan Saparǵalıev, Azat Abyqaı, Ýálıhan Qosanbaev, Ǵazız Turysqulov jáne Áset Rahmanberdıevter bar. Endi, baıqaýdyń ekinshi kezeńinde fýtbol matchtaryn qazaq jáne orys tilderinde júrgize alatyn eki úzdik kommentator anyqtalady. Jeńimpazdar fýtboldy eki tilde tikeleı efır arqyly júrgizetin bolady. «Degenmen, qazirgi kezde iriktelgen 10 úzdik kommentatorlardyń attary bizdiń bazamyzda saqtalady. Basqa bir telearnalar izdeıtin bolsa, biz mindetti túrde olardyń esimderin usynamyz», - deıdi uıymdastyrýshylar.
