Qazaqstannyń 10 qalasynda aýa sapasy nasharlaıdy
NUR-SULTAN. QazAqparat – «Qazgıdromet» RMK elimiz qalalaryndaǵy aýa sapasynyń meteorologııalyq ahýaly týraly málim etti, dep habarlaıdy QazAqparat.
Sınoptıkterdiń málimetinshe, 6 jeltoqsan kúni Aqtóbe, Qaraǵandy, Qyzylorda, Nur-Sultan, Pavlodar, Petropavlov, Semeı, Óskemen, Shymkent, Kókshetaý qalalarynda qolaısyz meteojaǵdaı qalyptasady. Qazaqstannyń ózge shaharlarynda aýanyń lastanýy kútilmeıdi.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
