Qazaqstannyń 10 aımaǵynda aýa raıyna baılanysty eskertý jarııalandy
NUR-SULTAN. QazAqparat - Aýa raıynyń buzylýyna baılanysty Qazaqstannyń birqatar óńirinde eskertý jarııalandy, dep habarlaıdy QazAqparat «Qazgıdrometke» silteme jasap.
5 naýryzda Jambyl oblysynda keı jerlerde qatty jaýyn-shashyn jaýady.
4-6 naýryz aralyǵynda keı jerlerde tuman túsip, kóktaıǵaq bolady. Ońtústik-batystan soqqan jeldiń baǵyty soltústik-shyǵysqa aýysady, kúshi keı jerlerde 23 m/s jetedi. 5 naýryzda jaıaý burqasyn soǵady.
Tarazda 4-6 naýryzda keı ýaqytta tuman túsedi. 4-5 naýryz aralyǵynda kóktaıǵaq bolady.
5 naýryzda ońtústik-batystan soqqan jel soltústik-shyǵysqa aýysady, ekpini - 15-20 m/s.
4 naýryzda Soltústik Qazaqstan oblysynda túnde qar, kúndiz jaýyn-shashyn jaýady. Keı jerlerde - tuman, burqasyn, kóktaıǵaq.
Ońtústik-batystan jel soǵady, keı jerlerde jel qarqyny 25 m/s deıin kúsheıedi.
Petropavl da osy kúni burqasyn kóteriledi, kúndiz kóktaıǵaq bolady. Ońtústik-batystan jel soǵady, jyldamdyǵy - 15-20 m/s.
4 naýryzda Qaraǵandy oblysynda keı jerlerde tuman túsedi. Boran soǵyp, kúndiz kóktaıǵaq bolady. Aımaqta jáne Qaraǵandy qalasynda Ońtústik-batystan jáne batystan soqqan jeldiń qarqyny 15-20 m/s jetedi.
4 naýryzda Qostanaı oblysynyń keı jerlerinde jáne Qostanaı qalasynda burqasyn kóterilip, tuman túsedi, kóktaıǵaq bolady. Batystan jáne ońtústik-batystan jel soǵady, kúshi - 23 m/s.
4 naýryzda Shyǵys Qazaqstan oblysynda keı jerlerinde - tuman, burqasyn, kóktaıǵaq. Ońtústik-batystan jáne batystan jel soǵady, jyldamdyǵy - keı jerlerde 15-20 m/s.
4 naýryz da Aqmola oblysynyń keı jerlerinde jáne Kókshetaý qalasynda boran soǵyp, kóktaıǵaq bolady. Ońtústik-batystan jel soǵady, jel ekpini keı jerlerde 23 m/s jetedi.
4 naýryzda Qyzylorda oblysynyń keı jerlerinde tuman túsedi, kóktaıǵaq bolady. Ońtústik-batystan jáne batystan soqqan jeldiń qarqyny keı jerlerde 15-20 m/s deıin kúsheıedi.
4 naýryzda Batys Qazaqstan oblysynyń keı jerlerinde tuman túsedi, kóktaıǵaq bolady. Oblysta jáne Oral qalasynda jeldiń kúshi - 15-20 m/s.
4 naýryzda Aqtóbe oblysynyń keı jerlerinde jáne Aqtóbe qalasynda - jaıaý burqasyn, tuman, kóktaıǵaq. Soltústik-batystan jáne batystan jel soǵady, keı jerlerde jel jyldamdyǵy 15-20 m/s jetedi.
4 naýryzda Atyraý oblysynda keı jerlerde tuman túsedi, kóktaıǵaq bolady. Jeldiń baǵyty soltústik-batystan ońtústik-batysqa aýysady, ekpini - 15-20 m/s.
Atyraý qalasyn da tuman túsedi. Keı ýaqytta kóktaıǵaq bolady.
