Qazaqstannnyń jastar quramasy EÝRO-2015 irikteý jarystarynda Armenııaǵa jol berdi
ASTANA. 12 tamyz. QazAqparat - Qazaqstannyń jastar quramasy Astanada Eýropa chempıonatynyń irikteý raýndysynda Armenııaǵa 0:1 esebimen utyldy, dep habarlady Sports.kz.
Іrikteý tsıkliniń alǵashqy oıynynda qazaqstandyq komanda Belarýsti 1:0 esebimen utqan bolatyn, bul nátıje jankúıerlerdi Armenııamen saıysta da jeńiske úmittendirgen edi.
Qazaqstandyqtar alańǵa boı úıretip bolǵansha, armıandar óte belsendi oıyn órnegin bastap, Gagık Pogosıannyń buryshtan soqqan dobymen 0:1 esebin ashty.
Qaraǵandylyq «Shahterdiń» juldyzy Roman Murtazaev qazaqstandyqtar quramynda oıynnyń ekinshi jartysynda shyqty. Alań ıeleri qarymta qaıtarýǵa umtylǵanmen nátıje shyǵara almady. Abzal Beısebekov pen Baýyrjan Islamhan belsendi qımyldaǵanmen, olardyń kúsh-jigeri de sátsiz boldy. Armıandar qorǵanysty nyǵaıta túsip, Sergeı Borovskııdiń oıynshylaryna des bermedi. Endi qazaqstandyqtarǵa jaǵdaıdy túzetý úshin kelesi matchta eselep kúsh salýlaryna týra keledi.
5 qyrkúıekte qazaqstandyqtar kelesi oıynyn Frantsııamen tys alańda ótkizedi.
Qazaqstan U-21 - Armenııa U-21 0:1 (0:1)
Gol: Pogosıan 4 (0:1)
Qazaqstan U-21: Pokatılov, Sartakov, qojabaev, Pasechnık, Beısebekov (Allaıarov 76), Sarıev, Qýat, Ýlshın, Islamhan, Kalının (Baýyrjan 80), Begalın (Mýrtazaev 46)
Armenııa U-21: Beglarıan, Oganesıan, Aroıan, Voskanıan, Pogosıan Gag., Malakıan, Mınasıan, Mýradıan, Papıkıan (Pogosıan Gýk. 84), Akopıan (Sardarıan 68), Adamıan (Aıvazıan 90)
Bas tóraeshi: Vladımır Vnýk (Slovakııa)
11 tamyz. Astana. «Astana Arena» 8500 kórermen.
