Qazaqstannnyń tóraǵalyǵy aıasynda EQYU adamnyń erkin aqparat alý quqyǵyn tolyqtaı qamtamasyz etýge sheshim qabyldady
ARShAVA. Qazannyń 8-i. QazAqparat /Kenjebolat Joldybaı/ - Adamı ólshemderge qatysty 2010 jylǵy Sholý konferentsııasynyń birinshi segmenti aıaqtalýǵa jaqyn. Konferentsııanyń varshavalyq úlesiniń jetinshi kúniniń birinshi jartysynda aǵymdaǵy jylǵy qarashanyń 28-inde Qazaqstanda ótedi dep josparlanyp otyrǵan keńeıtilgen quramdaǵy plenarlyq otyrysqa daıyndalý úshin aldyńǵy jumys otyrystary aıqyndaldy.
Osydan keıin Astanada jeltoqsan Sammıti aldynda EQYU Sholý konferentsııasynyń sońǵy bóliginde jalǵasyn tabatyn «BAQ bostandyǵy» taqyrybynyń tóńireginde pikirtalas bastaldy.
Negizgi sessııanyń kezindegi sııaqty «Bas redaktorlar klýby» qazaqstandyq qoǵamdyq birlestik uıymdastyrǵan qosymsha is-sharalar úderisinde de jýrnalısterdi qorǵaý, buqaralyq aqparat quraldarynyń tıimdi jumysy úshin azamattyq qoǵamnyń rólin arttyrý, EQYU-nyń BAQ-qa qatysty qazirgi mindetteriniń oryndalýy tóńireginde áńgime órbidi.
Erkin aqparatqa ıe bolý úshin adam quqyǵyn qamtamasyz etýge arnalǵan osy jáne ózge de ózekti máselelerdi talqylaýǵa qazaqstandyq delegatsııa da belsendi úles qosty.
Joǵary jıynǵa qatysýshylar teleradıotaratý uıymdary úshin olardy esepke qoıý týraly norma alynyp tastalǵany, baspa quraldary men aqparattyq agenttikterdiń olardyń meken-jaılary men redaktorlarynyń aýysýyna baılanysty mindetti túrde qaıta tirkeýden ótkizilýiniń qajetsizdigi týraly aqparattandyryldy. Medıa-salany odan ári yryqtandyrý aıasynda suhbat júrgizý kezinde aýdıobeınejazbalardy jýrnalıstiń paıdalanýy úshin ruqsat alý normasy da alynyp tastaldy. Jýrnalıstiń quqyqtary men kásibı múmkindikteri eleýli keńeıtildi, endi jýrnalıstiń suraǵan aqparatyn bermegen memlekettik organ nemese onyń laýazymdy tulǵalaryna sot arqyly shaǵym berýdiń tosqaýyly alynyp tastaldy.
Problemalar týraly da sóz qozǵaldy. Máselen, EQYU sarapshylary men keıbir otandyq medıaqoǵamdastyqtardyń BAQ salasy týraly birqatar zań erejeleri túrli kózqarastar týǵyzyp otyr. QR qazirgi zańnamasy, EQYU birqatar qatysýshy-memleketteriniń zańnamalary sekildi buqaralyq aqparat quraldary betinde jala japqany úshin moraldyq shyǵyndy óteý týraly qaǵıdattar bar, degenmen, moraldyq shyǵyn kóleminiń esebi jasalmaǵan. Osy jáne ózge de problemalardy sheshý maqsatynda otyrysqa qatysýshylar alda Astanada ótkiziletin Sammıt barysynda qarastyrý jáne naqty sheshimder qabyldaý úshin usynystar daıyndaldy. Atalmysh usynystar moraldyq shyǵyn ótemaqysynyń deńgeıin naqtylap, BAQ arqyly dıffamatsııa úshin qylmysty jaýapkershilikti alyp tastaý, jarııalanymdar úshin shaǵymdaný kókeıkestiligi merzimin bir jylǵa deıin naqtylaý, buqaralyq aqparat quraldary úshin QQS-yn alyp tastaý máseleleri qarastyrylǵan.
