Qazaqstannnyń keıbir aımaqtarynda burqasyn bolyp, tuman túsedi - Qazgıdromet
ASTANA. 20 qarasha. QazAqparat - Qazgıdromettiń málimetteri boıynsha, Qazaqstannyń soltústik jáne shyǵys oblystary salqyn atmosferalyq aǵynnyń yqpalynda bolady. Respýblıkanyń qalǵan aýmaǵyna antıtsıklon yqpal etedi.
Pavlodar oblysynda keıbir jerlerde jyldamdyǵy sekýndyna 15-20 metr jel turady, kúndiz birqatar jerlerde tuman túsedi.
Qostanaı, Soltústik Qazaqstan, Qyzylorda oblystarynda, túnde Shyǵys Qazaqstan oblysynda jeldiń kúshi sekýndyna 15-20 metrge jetedi.
Jambyl, Ońtústik Qazaqstan oblystarynda keıbir jerlerde tuman túsedi, shyǵystan soqqan jeldiń kúshi sekýndyna 15-20 metr bolady.
Almaty, Mańǵystaý, Atyraý, Batys Qazaqstan, Aqtóbe oblystarynda keıbir jerlerde tuman túsedi dep kútilýde.
Sondaı-aq taıaýdaǵy úsh táýliktiń ishinde respýblıkanyń taý ózenderinde sýdyń deńgeıi qubylmaly bolady. Qazaqstannyń soltústik bóliginiń sý nysandarynda sýdyń joǵarǵy qabaty odan ári qata beredi, keıbir ózenderde muz qatýy kúsheıe túsedi.
