Qazaqstannnyń elektr stansalary birtindep mazýttan bas tartady
ASTANA. QazAqparat - Qazaqstannyń elektr stansalary birtindep mazýttan otynnyń balamaly túrlerine kóshetin bolady.
Bul týraly búgin Astanada «Kazenergy» qaýymdastyǵynyń 2013 jyl boıynsha Ulttyq energetıkalyq baıandamasyn tanystyrý barysynda atalǵan qaýymdastyqtyń Bas dırektory Áset Maǵaýov málim etti.
Bas dırektor qazirgi kezde Qazaqstanda munaı óńdeý kólemi jylyna 15 mln. tonna deńgeıinde ekenin aıta kele, elimizdegi úsh munaı óńdeý zaýyttaryn jańǵyrtqannan keıin óńdeý kólemi jylyna 18-19 mln. tonnany quraıtyndyǵyn atap ótti.
«Mazýtty óndirý kólemi kúrt tómendedi. Osy oraıda biz energetıkterdiń nazaryn otynnyń balamaly túrlerine kóshýi máselesin qarastyrýyna aýdardyq»,-dedi Á. Maǵaýov.
