Qazaqstannyń júk tasymaldaıtyn alǵashqy Airbus ushaǵy qarashada jetkiziledi
ASTANA. KAZINFORM – Qazaqstannyń ulttyq júk tasymaldaýshysy áýe flotyn Airbus A340 ushaqtarymen tolyqtyrmaq. Alǵashqy áýe kemesi bıyl qarashada, ekinshisi keler jyldyń naýryz aıynda jetkiziledi. Bul týraly Úkimet otyrysynda Kólik vıtse-mınıstri Talǵat Lastaev baıandady.
Onyń aıtýynsha, «Eır Kargo» kompanııasy áýe kemelerin jetkizý jóninde kelisimshartqa qol qoıǵan.
– Bıyl qarasha aıynda alǵashqy Airbus A340 áýe kemesiniń kelýi kútilýde. Ekinshi áýe kemesin jetkizý kelesi jyldyń naýryz aıyna josparlanǵan. Nátıjesinde áýe kemeleriniń jalpy sany 10-ǵa jetedi, – dedi Kólik vıtse-mınıstri.
Keshe óz Joldaýynda Prezıdent Qasym-Jomart Toqaev «Air Cargo» jeke kompanııasyna úlken úmit artylǵanyn aıtqan edi.
– Onyń qarjylyq múmkindigi mol, sonyń ishinde sheteldiń jetekshi mamandarynyń eńbekaqysyn tóleýge de qaýqarly. Sondaı-aq kompanııa derbes sheshim qabyldaı alady. Biraq áli kúnge deıin naqty sheshim de, nátıje de joq. Sizderge senim arttyq. Endi naqty nátıje kútemiz, – dedi Prezıdent.
Aıta keteıik, Qazaqstan avıatsııasy 2050 jylǵa deıingi damý baǵytyn aıqyndap jatyr.
