Qazaqstannyń JІÓ kólemi 2026 jylǵy alǵashqy úsh aıda 34,1 trln teńge boldy
ASTANA. KAZINFORM — 2026 jylǵy qańtar-naýryz aılarynda Qazaqstanda óndirilgen jalpy ishki ónimniń (JІÓ) kólemi esepti derekter boıynsha 34 trln 102 mlrd 358,1 mln teńge boldy. Naqty mánde bul kórsetkish byltyrǵy osy kezeńmen salystyrǵanda 3% ósti.
Ulttyq statıstıka bıýrosynyń dereginshe, jalpy óńirlik ónim (JÓÓ) kóleminiń eń joǵary ósim qarqyny Soltústik Qazaqstan oblysynda tirkeldi — 12,9%. Sondaı-aq Jambyl oblysynda 11,7% jáne Ulytaý oblysynda 11,4% ósim baıqaldy.
Sonymen qatar óńirlerdiń JІÓ qurylymynda eń úlken úles Almaty qalasyna tıesili. Qala ekonomıkasy jalpy respýblıkalyq kórsetkishtiń 22,1%-yn qamtamasyz etti. Al ekinshi orynda Astana qalasy — 12,5%, Atyraý oblysy — 9,3% úlespen úshinshi orynǵa ornalasty.
Bıyl qańtar-naýryz qorytyndysy boıynsha jan basyna shaqqandaǵy JÓÓ kólemi — 1 mln 661,6 myń teńge.
Atap aıtqanda, bul kórsetkish boıynsha kósh basynda Atyraý oblysy tur — 4 mln 424,7 myń teńge. Odan keıin Almaty qalasy (3 mln 204,8 myń teńge), Ulytaý oblysy (3 mln 90,2 myń teńge) jáne Astana qalasy (2 mln 573,3 myń teńge) ornalasty.
Al jan basyna shaqqandaǵy JÓÓ kólemi eń tómen óńirler qatarynda Túrkistan oblysy — 526,1 myń teńge, Jambyl oblysy — 628,8 myń teńge jáne Jetisý oblysy — 710,3 myń teńge boldy.
JІÓ ósimine eń joǵary úlesti Almaty qalasy qosty — 1,05 paıyzdyq tarmaq (p.t.). Astana qalasynyń úlesi 1,02 p. t. bar, al Túrkistan oblysynyń 0,33 p. t. úlesi qurady.
Alaıda JІÓ ósimine keri áser etken óńirler qatarynda Atyraý oblysynyń úlesi -1,33 p. t., Batys Qazaqstan oblysynyń úlesi -0,34 p. t., Aqmola oblysynyń úlesi -0,15 p. t. jáne Shyǵys Qazaqstan oblysynyń úlesi -0,13 p. t. deńgeıinde qalyptasty.
Jalpy alǵanda, 2026 jyldyń alǵashqy úsh aıynda Qazaqstan ekonomıkasynyń ósimine iri qalalar men birqatar óńirlerdiń joǵary ekonomıkalyq belsendiligi negizgi úles qosty.
Aıta keteıik, ishki naryqty ónimmen qamtamasyz etý jáne baǵany turaqtandyrý sharalary kúsheıtiledi.
