Qazaqstannyń jas tennısshileri Azııa komandalyq birinshiliginiń irikteý kezeńin sátti bastady
ASTANA. KAZINFORM — Ferǵanada (Ózbekstan) 12 jasqa deıingi órender arasynda aımaqtyq irikteý týrnıri — ITF Asia 12& U Regional Qualifying Event of Central Asia bastaldy.
Dodada Ortalyq Azııanyń bes elinen kelgen úzdik ujymdar baq synaýda. Olar: Qazaqstan, Tájikstan, Túrkimenstan, Qyrǵyzstan jáne Ózbekstan quramalary.
Bul synda otandastarymyz basty favorıt sanatynda: uldar men qyzdar básekesinde de bizdiń quramalar týrnırdiń birinshi nómirli komandalary bolyp sebildi. Ekinshi nómir — kort qojaıyndary, ıaǵnı Ózbekstan tennısshilerine buıyrǵan.
Jas órenderimiz jarysty óte senimdi bastady. Alǵashqy eki aınalymda uldarymyz ben qyzdarymyz Tájikstan jáne Qyrǵyzstannan kelgen tustastaryn aıqyn basymdyqpen — 3:0 esepterimen qapy qaldyrdy. Búgin Qazaqstan quramalary Túrkimenstan komandasyna qarsy kezdesýlerin ótkizip jatyr.
Bul dodada tek medaldar ǵana emes, jyldyń basty týrnırine beriletin qundy joldamalar da sarapqa salynýda. Osy irikteý qorytyndysy boıynsha úzdik shyqqan eki qurama kúzde Sıngapýrde ótetin Azııa komandalyq chempıonatynyń fınaldyq kezeńine (ITF Asia 12& U Team Competition Final) joldama alady.
Qazaqstan quramasy:
Qyzdar:
- Marııa Akatova (Astana)
- Іnjý Murat (Almaty)
- Ramına Dıagıleva (Astana)
- Kapıtan: Zarına Chernomaz
Uldar:
- Áltaır Jýasov (Astana)
- Alan Kım (Almaty)
- Ilıa Şýkın (Astana)
- Kapıtan: Ilıa Pavlenko
Aıta keteıik, Sıngapýrdegi sheshýshi kezeńde Azııanyń bes geografııalyq aımaǵynan iriktelgen 12 myqty qurama bas qosady:
- Ortalyq Azııa
- Ońtústik Azııa
- Ońtústik-Shyǵys Azııa
- Shyǵys Azııa
- Batys Azııa
- Sıngapýr (kort qojaıyndary retinde tikeleı qatysady)
Aıta ketelik Tımofeı Skatov kambekpen Italııadaǵy týrnırdiń shırek fınalyna shyqty.
