Qazaqstannyń ıÝNESKO jáne ISESKO isteri jónindegi ulttyq komıssııasynyń otyrysy ótti
ASTANA. KAZINFORM – Memlekettik keńesshi Erlan Qarınniń tóraǵalyǵymen Qazaqstan Respýblıkasynyń ıÝNESKO jáne ISESKO isteri jónindegi ulttyq komıssııasynyń kezekti otyrysy ótti, dep habarlaıdy Aqordanyń baspasóz qyzmeti.
Іs-sharaǵa tıisti mekemelerdiń ókilderi, sondaı-aq Qazaqstandaǵy ıÝNESKO komıtetteri men qaýymdastyqtarynyń basshylary qatysty.
Jıynda ıÝNESKO jáne ISESKO uıymdarymen aradaǵy yqpaldastyqty damytýǵa qatysty basymdyqtar men josparlar talqylandy. Erlan Qarın Memleket basshysynyń ıÝNESKO-men yntymaqtastyq máselelerine erekshe nazar aýdaratynyn aıtyp, onyń tapsyrmalaryn oryndaýdyń mańyzyna toqtaldy.
ıÝNESKO uıymy ótken jyldyń sońynda qazaqtyń biregeı salty – «Betashardy» Adamzattyń materıaldyq emes mádenı murasynyń reprezentatıvtik (úlgili muralar) tizimine engizgen bolatyn. Osy rette Ulttyq komıssııa músheleri uıymnyń bul sheshimin erekshe yqylaspen qabyldady. ıÝNESKO-nyń Almatydaǵy Óńirlik keńsesiniń basshysy Amır Pırıch Memlekettik keńesshi Erlan Qarınge «Betashardyń» atalǵan tizimge engeni týraly túpnusqa sertıfıkatty tabys etti.
Sondaı-aq otyrysta Qazaqstannyń muraǵattyq jáne tarıhı-qujattyq materıaldaryn ıÝNESKO-nyń «Álem jady» atty halyqaralyq tizimine engizýge qatysty jumystardy jandandyrý qajettigine nazar aýdaryldy. Mysaly, 14 jyl úzilisten keıin, bıyl sáýir aıynda osy tizimge «Handar shejiresi» qoljazbasy engizildi.
Basqosýda aldaǵy is-sharalarǵa qatysty máseleler de qarastyryldy. Atap aıtqanda, ıÝNESKO shtab-páterinde Nurǵısa Tilendıevtiń 100 jyldyq mereıtoıyn atap ótý jáne Samarqand qalasynda ótetin ıÝNESKO-nyń 43-shi Bas konferentsııasyna daıyndyq jumystary talqylandy.
Osyǵan deıin Erlan Qarınniń mekteptegi tárbıe baǵdarlamasyna qatysty jıyn ótkizgeni týraly jazdyq.