«Qazaqstannyń úzdik taýary» kórme-baıqaýynda Syr óńirinen 9 kásipker ónimin usyndy
«Qazaqstannyń úzdik taýary-2023» kórme-baıqaýyna Syr óńirinen 9 kásipker qatysyp jatyr, dep habarlaıdy Kazinform.
Búgin Astana qalasynda «EHRO» halyqaralyq kórme pavılıonynda «Qazaqstannyń úzdik taýary-2023» kórme-baıqaýy bastaldy.
Oǵan 20 óńirden barǵan 180 kásiporyn qatysyp jatyr.
Kórmege Syr elinen «Orda StroıMart» JShS (Jańaqorǵan aýdany, ák óndirisi), «NOMAD» JK (Qyzylorda qalasy, keramıkalyq rakovınalar), «Qyzylorda dızaın» JShS (Qyzylorda qalasy, daıyn metall buıymdary) óndiristik maqsattaǵy taýarlarymen bardy.
Al «Úzdik azyq-túlik taýarlary» kórmesine «Jańajol» (Qarmaqshy aýdany, kúrish óndirisi), «Altyn Orda» (Qyzylorda qalasy, tuz óndirisi), «Asyl dán LTD» (Qyzylorda qalasy, kúrish óndirisi) seriktestikteriniń ónimderi qoıylǵan.
«Halyqqa arnalǵan úzdik taýarlar» kórmesine túıe júninen toqyma buıymdaryn óndiretin araldyq «Jýmasheva Indıra Jaılganovna» JK «Aı-Arýjan» brendimen qatysýda.
Sonymen birge «Kazbergenov N» JK-nyń «Qazaly» kámpıti, «Tátti álem» JK-nyń kondıterlik ónimderi usynylǵan.
