Qazaqstannyń úzdik 5 týrıstik aýyly belgili boldy

ALMATY. KAZINFORM – «Úzdik týrıstik aýyl – 2025» ulttyq baıqaýynyń qorytyndysy shyqty.

Kazakh Tourism málimetinshe, oblys ákimdikterine baıqaýǵa óńirden úsh aýyldy usynýǵa múmkindik berilgen. Qatysýshylardy irikteý kezinde tabıǵı jáne mádenı resýrstarǵa, eldi mekenderdegi dástúrli qyzmet túrleriniń saqtalýyna erekshe kóńil bólindi. Baıqaý qorytyndysy boıynsha Qazaqstannyń úzdik 5 týrıstik aýyly anyqtaldy.

Olar:

- Lepsi (Jetisý oblysy, Alakól aýdany);
- Naǵı Іlııasov (Qyzylorda oblysy, Syrdarııa aýdany);
- Han Ordasy (Batys Qazaqstan oblysy, Bókeı ordasy aýdany);
- Poperechnoe (Shyǵys Qazaqstan oblysy, Rıdder aýdany);
- Shabanbaı bı (Qaraǵandy oblysy, Aqtoǵaı aýdany).

Ulttyq kezeńniń jeńimpazdary BUU Dúnıejúzilik týrıstik uıymy (UNWTO) ótkizetin UN Tourism Best Tourism Village halyqaralyq baıqaýynda Qazaqstandy tanystyrady.

Eske salaıyq, 2023 jyly Almaty oblysynyń Saty aýyly halyqaralyq deńgeıde eń úzdik týrıstik aýyl retinde tanylyp, bedeldi «Best Tourism Villages by UNWTO» syılyǵymen marapattaldy.