Qazaqstannyń úsh oblysynda 36 jyldan beri bolmaǵan temperatýra tirkeldi
ASTANA. KAZINFORM - Qańtar aıynda Qazaqstannyń úsh oblysynda 1988 jyldan keıin bolmaǵan temperatýra tirkeldi. Aı ishinde kún raıy jıi ózgerdi, dep habarlady «Qazgıdromet» RMK.
— Qar jaýyp turǵanyna qaramastan jyly kúnderdi, kún ashyq alaıda aıazdy kúnder jıi almastyryp otyrdy. Aıdyń alǵashqy onkúndigi erekshe jyly boldy. Aýa temperatýrasynyń ortasha aýytqýy normadan 1-13° joǵary boldy,- delingen habarlamada.
1 qańtarda Mańǵystaý oblysyndaǵy Aqqudyq meteostantsııasynda (MS) kúndizgi aýa temperatýrasy +11,1°S-qa deıin kóterilip, sol kúni rekord boldy. Buǵan deıin mundaı rekord 2003 jyly - +8,9°C tirkelgen;
8 qańtarda Aqtaý meteostantsııasynda kúndiz aýa temperatýrasy +11,1°C bolyp, 1988 jylǵy rekordty (+4,7°S) jańartty;
10 qańtarda Semeıdegi stantsııa +6,3°S temperatýrany tirkep, 1988 jylǵy rekordtan (+1,3°S) asyp tústi;
Pavlodarda aýanyń maksımaldy temperatýrasy +3,1°S-qa deıin kóterilip, 2018 jylǵy rekordty (+0,3°S) jańartty;
Balqashta kúndiz aýa +7,1°S-qa deıin jylyp, 1988 jylǵy burynǵy rekordty (+1,2°S) jańartty.
Sınoptıkterdiń málimetinshe, ońtústik oblystarda da aýa raıy kóktemgideı boldy:
10 qańtarda Tarazda kúndiz aýa +18,6°S deıin jylyp, 2018 jylǵy rekordty jańartty (+9,1°S);
Shardarada eń joǵary aýa temperatýrasy +15,4°S bolyp, 2004 jylǵy rekordty jańartty (+10,8°S);
14 qańtarda Almatyda aýanyń maksımaldy temperatýrasy +11,3°C boldy, sońǵy ret bul kúndegi absolıýtti maksımým 2001 jyly - +10,9°S tirkelgen.
Aıazdy kúnder de boldy. Aıdyń ekinshi onkúndiginde Batys Sibir aýdandary men Arktıka teńizderinen sýyq aýa massalarynyń kelýimen elimizdiń soltústik jartysynda aýa temperatýrasy túnde -25-40°S deıin tómendedi. Aı ishinde eldiń soltústik jartysynda jıi qar jaýdy, al ońtústik jartysynda jańbyr jaýdy.
Respýblıkanyń shyǵysynda jaýyn-shashyn aılyq normadan asyp tústi:
9 qańtarda Aıagóz qalasynda 22 mm qar jaýdy, aılyq norma - 18 mm;
Terektide – 37 mm qar (aılyq norma – 30 mm), 11 qańtarda Úrjarda – 30 mm (aılyq norma – 46 mm), Marqakól MS – 30 mm (aılyq norma – 31 mm) jaýdy.
— Astanada temperatýra klımattyq normadan 2,6°S joǵary boldy. Eń joǵary aýa temperatýrasy 10 qańtarda +1,2°S baıqaldy. Eń tómengisi 16 qańtarda -28,4°S. Aıdaǵy jaýyn-shashyn mólsheri 45 mm, aılyq norma 18 mm bolsa, bul 251% qurady, ıaǵnı normadan 2,5 ese kóp, dep habarlady «Qazgıdromet» RMK.
Buǵan deıin aýstralııalyq jáne amerıkalyq muhıttanýshylar ejelgi teńiz shyǵanaqtaryn zertteı otyryp, 1860 jyldardyń ortasynan beri Jerdegi ortasha temperatýra Tselsıı boıynsha shamamen 1,7 gradýsqa kóterilgendiginiń alǵashqy hımııalyq dálelderin aldy, bul BUU sarapshylarynyń qazirgi baǵalaýynan aıtarlyqtaı joǵary.
