Qazaqstannyń úsh megapolısinde aptap ystyq: búgin +40°C-qa deıin ysıdy
ASTANA.KAZINFORM — Búgin Qazaqstannyń úsh iri qalasynda aptap ystyq saqtalady. Shymkentte aýa temperatýrasy +40°C-qa deıin kóterilse, Almatyda +37°C, Astanada +35°C bolady. Elordada túnde jańbyr jaýyp, naızaǵaı bolýy múmkin.
Astanada kúndiz aýa temperatýrasy +33+35 °C, jaýyn-shashynsyz. Túnde +16+18 °C, keı ýaqytta jańbyr jaýyp, naızaǵaı bolady. Jeldiń jyldamdyǵy 9–14 m/s.
Almatyda kúndiz +35+37 °C, túnde +22+24 °C. Jeldiń jyldamdyǵy 3–8 m/s, ekpini 20 m/s deıin jetedi.
Shymkentte kúndiz +38+40 °C, túnde +23+25 °C. Jeldiń jyldamdyǵy 8–13 m/s.
Eske sala keteıik, buǵan deıin Qazgıdromet 15–17 tamyzǵa arnalǵan Qazaqstan boıynsha aýa raıy boljamyn jarııalaǵan edi. Atmosferalyq fronttyń ótýine baılanysty elimizdiń basym bóliginde jańbyr jaýyp, naızaǵaı oınaıdy, jeldiń ekpini kúsheıedi, burshaq jaýýy múmkin. Tek elimizdiń batysynda jáne Qyzylorda oblysynda jaýyn-shashynsyz aýa raıy bolatyny boljanǵan.
