Qazaqstannyń úsh komandasy 2026 jylǵy Azııa oıyndarynda 1/8 fınalǵa shyqty
ASTANA. KAZINFORM – Qytaıdyń Sanıa qalasynda ótip jatqan 2026 jylǵy jaǵajaıdaǵy Azııa oıyndary aıasynda jaǵajaı voleıbolynan toptyq kezeńniń básekeleri aıaqtaldy. Aldyn ala kezeń nátıjeleri boıynsha Qazaqstannyń úsh komandasy 1/8 fınalǵa joldama aldy.
25 sáýirde Dmıtrıı ıAkovlev pen Abdýlmajıd Mohammad Mońǵolııa quramasyn 2:0 esebimen jeńdi. F tobynda qazaqstandyqtar ekinshi orynǵa ıe bolyp, pleı-off kezeńine shyqty. Olar 1/4 fınalǵa ótý úshin Oman quramasyndaǵy Saıd Alı Al Djalabýbı men Zýhran Sýlaıman Al Hashımımen kezdesedi.
Áıelder arasynda Ekaterına Rıýhova men Krıstına Karımova búgin Fılıppın quramasyna ese jiberdi. Degenmen, H tobynda ekinshi oryn alyp, 1/8 fınalǵa joldama aldy. Kelesi kezeńde olar fılıppındik Harl Progella men Shanın Pagaramen oınaıdy.
Sergeı Bogatý men Kırıll Gýrın barlyq matchtaryn jeńispen aıaqtap, H tobynyń kóshbasshysy atandy. Pleı-offtaǵy alǵashqy qarsylastary – lıvandyq Hadı El Chabıb pen Djad Abı Karam.
Laýra Qabylbekova men Nadejda Ivanchenko juby búgin Fılıppın quramasynan jeńilip, G tobynda úshinshi orynǵa ıe boldy jáne jarysty aıaqtady.
1/8 fınal matchtary 26 sáýirde ótedi. Qazaqstan quramalarynyń kelesi oıyndary osy kúni uıymdastyrylady.
Aıta keteıik, osyǵan deıin Jaǵajaıdaǵy Azıada oıyndarynda Sý dobynan Qazaqstan erler quramasy Taılandtan basym túsken edi.
