Qazaqstannyń úsh qalasynda salynatyn JEO qurylysyna qansha qarjy jumsalady

ASTANA. KAZINFORM – «Samuryq-Energo» AQ Basqarma tóraǵasy Qaırat Maqsutov Kókshetaý, Semeı jáne Óskemendegi jylý-elektr ortalyqtarynyń (JEO) qurylysy boıynsha qandaı jumystar atqarylǵanyn aıtyp berdi.

«Qazirgi ýaqytta Kókshetaýdaǵy jylý-elektr ortalyǵy boıynsha tehnıkalyq-ekonomıkalyq negizdeme aıaqtalýda. Semeı JEO-sy boıynsha tehnıkalyq-ekonomıkalyq negizdeme bıylǵy naýryz aıynda aıaqtalady. Óskemendegi JEO boıynsha tehnıkalyq-ekonomıkalyq negizdeme ázirleýge endi kirisemiz», - dedi Qaırat Maqsutov Úkimette ótken baspasóz máslıhatynda.

Onyń aıtýynsha, olardyń naqty quny áli bekitilmegen, ol memlekettik saraptamadan ótkennen keıin belgili bolady.

«Búgingi slaıdta kórsetilgen boljamdy soma 330 mlrd teńge, JEO-nyń árqaısysy boıynsha 270 mlrd teńge», - dedi Q. Maqsutov.