Qazaqstannyń Ulttyq mýzeıi Frantsııa men Italııada kórme ótkizedi
ASTANA. KAZINFORM – QR Mádenıet jáne aqparat mınıstri Aıda Balaeva Ulttyq mádenıetti shetelde nasıhattaý boıynsha qandaı is-sharalar ótetinin aıtyp berdi.
«Ulttyq mádenıetti shetelde nasıhattaý máselesinde QR Syrtqy ister mınıstrligimen tyǵyz qarym-qatynastamyz. Máselen, bıyl Ulttyq mýzeıge 10 jyl. Osy mereıli dataǵa oraı 2024-2026 jyldary Frantsııadaǵy «Gıme» shyǵys óneri mýzeıinde jáne Italııadaǵy «Bıenalle» mýzeıinde ulttyq tarıhı-mádenı muralar kórmesin ótkizý máselesi qarastyrylýda», - dedi A.Balaeva Qazmedıa ortalyǵynda mınıstrliktiń alqa otyrysynda.
Sonymen birge, bıyl áıgili qylqalam sheberi Ábilhan Qasteevtiń 120 jyldyǵy atap ótiledi. Soǵan baılanysty Reseıde arnaıy kórme ótkizý josparlanyp otyr.
«Odan bólek, Tájikstan men Túrikmenstanda Qazaqstannyń mádenıet kúnderi aıasynda «Qazaqstan kınosynyń kúnderi», sýretshilerdiń kórmeleri jáne basqa da is-sharalar ótedi», - dedi A.Balaeva.
Buǵan deıin Mádenıet mınıstri Qazaqstannyń tarıhı oryndaryn ıÝNESKO-ǵa engizýge qandaı kedergi bar ekenin túsindirgen edi.
