Qazaqstannyń týrıstik oryndaryna 15 qosymsha poıyz qatynaıdy
ASTANA. KAZINFORM – Suranystyń artýyna baılanysty eldegi týrıstik baǵyttarǵa qosymsha 15 poıyz júre bastaıdy. Bul týraly Kólik mınıstri Nurlan Saýranbaev Úkimet otyrysynda aıtty.
Onyń ishinde 10 baǵyt Alakól jaǵalaýyna júredi.
Qosymsha poıyzdar Astana – Dostyq, Almaty – Dostyq, Semeı – Dostyq, Óskemen – Dostyq, Qaraǵandy – Balqash, Almaty – Semeı, Aqtóbe – Astana jáne Nurly jol – Shymkent baǵyttarynda iske qosylmaq.
– Sonymen birge poıyzdardyń uzyndyǵy ulǵaıtyldy. Poıyzdar quramynyń uzyndyǵy ortasha alǵanda 13-ten 18 vagonǵa deıin uzarady, – dedi Kólik mınıstri.
Aıta keteıik, Qazaqstannyń týrıstik oryndaryna aparatyn joldar jóndeýden ótip jatyr. Bıyl Almaty-Óskemen jolyndaǵy jumystar aıaqtalyp, jol júrý ýaqyty 4 saǵatqa qysqarǵan.
Oǵan qosa, Qazaqstannyń 124 vokzaly jańǵyrtýdan ótip, jańadan salynyp jatyr. Qazir Kókshetaý, Býrabaı kýrorty, Qonaev, Kóktýma, Aqshı, Mankent, jáne Balqash-2 vokzaldarynda jumystar aıaqtaldy.
