Qazaqstannyń týrıstik qyzmetter eksporty jarty jylda 18% ósken

ASTANA. KAZINFORM - Bıylǵy 6 aıdyń qorytyndysy boıynsha týrıstik qyzmetter eksportynyń úlesi 2024 jyldyń sáıkes kezeńimen salystyrǵanda 18% ósti jáne 1,3 mlrd AQSh dollaryn qurady.

Bul rette elimizge Qytaıdan kelýshilerden túsken kiris 50% artyp, 192 mln AQSh dollaryna jetti.

«Kazakh Tourism» AQ Basqarma tóraǵasynyń mindetin atqarýshy Danıel Serjanulynyń aıtýynsha, 2024 jyly týrıstik qyzmetter eksporty 2,6 mlrd AQSh dollaryn qurady.

-Týrızm el ekonomıkasyna valıýta ákeledi. Qytaıdan kelgen qonaq ıýan, Germanııadan kelgen týrıst eýro jumsaıdy. Bul - bizdiń týrıstik qyzmetterimizdiń tikeleı eksporty. Týrızmniń jalpy ulttyq ónimdegi úlesi kóp emes. Damyǵan elderde bul kórsetkish JІÓ 10% deıin jetýi múmkin, al aqshalaı túrde 20-30 mlrd AQSh dollar bolady. Sondyqtan kirý týrızmin damytýdyń negizgi maqsaty - shetelden paıda ákelý jáne ony halyqqa, jergilikti bızneske tıgizý, – dep atap ótti Kazakh Tourism basshysy.

Danıel Serjanuly salanyń baǵyttary arasyndaǵy aıyrmashylyqty da atap ótti. Іshki týrızm azamattardyń densaýlyǵy men qalpyna kelýine yqpal etetin áleýmettik aspekt retinde qarastyrylady.

«Іshki týrızm áleýmettik baǵyt retinde qarastyrylady. Nege? Sebebi adamdarǵa demalý men rekreatsııa qajet. Bul jumystaǵy eńbek demalysy kezinde kúsh-qýatty qalpyna keltirý múmkindigi. Sondyqtan turǵyndar Alakólge, Balqashqa baryp demalady», – dep qosty Danıel Serjanuly.

Osyǵan deıin Qazaqstannyń medıtsınalyq týrızmdi damytqaly otyrǵanyn jazdyq.