Qazaqstannyń turǵyn úı naryǵy: Qyrkúıekte saýda-sattyq qalaı qubyldy

ASTANA. KAZINFORM — Ulttyq statıstıka bıýrosy 2025 jylǵy qyrkúıektegi turǵyn úı naryǵyndaǵy baǵanyń ózgerýi men mámileler sany boıynsha aqparatty jarııalady.

2025 jyldyń qyrkúıek aıynda Qazaqstanda turǵyn úı satyp alý jáne satý boıynsha 41 313 mámile jasaldy. Bul — ótken aımen (tamyz) salystyrǵanda 0,2%-ǵa az.

Mámilelerdiń ishinen:

• 8 661 mámile jeke úıler boıynsha tirkeldi,

• 32 652 mámile kópqabatty úılerdegi páterlerdi satý boıynsha boldy.

Eń kóp turǵyn úı satyp alynǵan óńirler:

• Almaty qalasy — 8 859 mámile (barlyq mámileniń 21,4%-y),

• Astana qalasy — 8 644 mámile (20,9%),

• Qaraǵandy oblysy — 3 029 mámile (7,3%).

Al eń az mámile tirkelgen óńir — Ulytaý oblysy, munda nebary 306 mámile jasalǵan (0,7%).

Mámileler sanynyń ózgerýi

Tamyz aıymen salystyrǵanda, keıbir óńirde mámileler sany aıtarlyqtaı ósti:

• Qyzylorda oblysy — +20,2%

• Atyraý oblysy — +12,6%

• Túrkistan oblysy — +9,9%

Kerisinshe, tómendeý baıqalǵan óńirler:

• Shymkent qalasy — -10,9%

• Almaty qalasy — -8,6%

• Jetisý oblysy — -5,8%

Jyldyq ózgeris

2024 jyldyń qyrkúıegimen salystyrǵanda:

• Turǵyn úıdi satyp alý-satý mámileleriniń sany 4,5%-ǵa artqan. Byltyr — 39 543 mámile bolǵan.

• Eń úlken ósim Astana qalasynda baıqaldy — +30,1%.

• Eń úlken tómendeý Batys Qazaqstan oblysynda — -31,9%.

2025 jyldyń qańtar-qyrkúıek aralyǵyndaǵy jalpy mámileler sany, ótken jyldyń osy kezeńimen salystyrǵanda, 3,2%-ǵa kóbeıdi.

Baǵanyń ózgerisi

Jyldyq ósim (2024 j. qyrkúıekpen salystyrǵanda):

• Jańa páterlerdiń baǵasy — 12,8%-ǵa ósti.

• Qaıtalama naryqtaǵy satylatyn páterlerdiń baǵasy — 10,3%-ǵa ósti.

• Jalǵa alý aqysy — 9,9%-ǵa qymbattady.

Baǵa eń kóp ósken qalalar tómendegideı:

• Jańa turǵyn úıler boıynsha:

  • Pavlodar — +26,4%

  • Qyzylorda — +15,3%

  • Shymkent — +15,2%

• Qaıtalama naryqtaǵy páterler:

  • Aqtóbe — +18,9%

  • Pavlodar — +18,8%

  • Almaty — +17,9%

• Jalǵa alý aqysy:

  • Aqtóbe — +40,7%

  • Kókshetaý — +18,7%

  • Astana — +18,1%

Aılyq ósim:

• 2025 jylǵy tamyzben salystyrǵanda jańa turǵyn úılerdiń baǵasy — 2,1%-ǵa ósti.
• Qaıtalama naryqta satylatyn páterlerdiń baǵasy — 1,5%-ǵa ósti.
• Jalǵa alý aqysy — 2,8%-ǵa ósti.

Aıta keteıik, QR SJjRA Ulttyq statıstıka bıýrosy turǵyn úı baǵasy boıynsha aı saıyn monıtorıng júrgizedi. Baǵa ındeksteri oblys ortalyqtary men Astana, Almaty, Shymkent qalalary boıynsha iriktelgen baıqaý derekteri negizinde qalyptastyrylady. Jańa turǵyn úıler boıynsha aqparat satý boıynsha operatsııalar júrgizetin qurylys kompanııalarynan jınalady, bul rette páterdiń bastapqy jáne aldyn ala taza árlengendegi baǵasy eskeriledi. Páterlerdi qaıta satý jáne jalǵa alý boıynsha derekter ınternette, buqaralyq aqparat quraldarynda ornalastyrylatyn habarlandyrýlar negizinde jınalady. Baǵalardy esepteý kezinde bir, eki, úsh bólmeli páterler boıynsha usynystar esepke alynady.

Budan buryn barlyq málimet qaǵazǵa túsirilip, tsıfrlyq tehnologııa áli qoldanysqa enbegen ýaqytta úlken derekter qalaı óńdeldi? Ulttyq statıstıka bıýrosy tarıhqa sheginis jasap, statıstıkalyq málimetter qalaı jınalǵanyn túsindirdi.