Qazaqstannyń tuńǵysh Bas múftıi ómirden ótti

ALMATY. KAZINFORM – Qazaqstan musylmandary dinı basqarmasynyń tuńǵysh Bas múftıi, qurmetti múftı Rátbek qajy Nysanbaıuly dúnıe saldy.

Qaraly habardy Qazaqstan musylmandary dinı basqarmasynyń baspasóz qyzmeti rastady.

Rátbek qajy Nysanbaıuly 1940 jyly 14 qarashada dúnıege kelgen. Kórnekti dinı qaıratker. Qazaqstan musylmandarynyń tuńǵysh bas múftıi. Qazaq memlekettik sáýlet-qurylys akademııasynyń qurmetti professory, belgili ǵalym.

Buharadaǵy «Mır-Arab» medresesin jáne Buhar pedagogıkalyq ınstıtýtyn bitirgen. Lıvııa ýnıversıtetinde dinı bilim alǵan.

Ashyq derekkózderde ol bas múftı bolǵan kezde elimizdegi meshitter sany 1,5 myńǵa deıin kóbeıgeni aıtylady. Almatyda Bas meshit salyndy. Onyń bastamasymen Islam ýnıversıteti, Jambyl oblysynyń Merki aýylynda medrese ashyldy, «Islam álemi» jáne «Shapaǵat-Nur» dinı jýrnaldar shyǵa bastady.

Eske salaıyq, buǵan deıin qazaqstandyq akter Murat Bısembın 53 jasynda ómirden ótkenin habarlaǵanbyz.