Qazaqstannyń tsıfrlyq serpini: IT-eksport $1,1 mlrd-qa jetti
ASTANA. KAZINFORM — Qazaqstan sońǵy jeti jylda tsıfrlandyrý salasynda eleýli nátıjelerge qol jetkizdi. Elektrondy úkimetten bastap IT jáne ǵaryshtyq tehnologııalar eksportyna deıingi baǵyttarda kórsetkishter aıtarlyqtaı ósken. Bul týraly Jasandy ıntellekt jáne tsıfrlyq damý mınıstrligi málim etti.
Mınıstrliktiń málimetinshe, Prezıdent Qasym-Jomart Toqaevtyń basshylyǵymen jeti jyl ishinde Qazaqstan aýqymdy tsıfrlyq transformatsııadan ótip, tehnologııalyq damýdyń jańa kezeńine shyqqan.
2019–2026 jyldardaǵy negizgi kórsetkishter:
- Elektrondyq úkimet: Qazaqstan BUU-nyń 193 el arasyndaǵy kórsetkishinde 39-orynnan 24-orynǵa kóterilip, 15 satyǵa ilgeriledi.
- Ǵaryshtyq tehnologııalar eksporty: nólden 70 mln dollarǵa deıin ósti.
- IT-eksport: 38 esege artyp, 30 mln dollardan 1,142 mlrd dollarǵa jetti. Astana Hub kórsetkishi 633 mln dollardy qurady.
- Internet: halyqty ınternetpen qamtý deńgeıi 84%-dan 98%-ǵa deıin ósti, ortasha jyldamdyq 21-den 88–94 Mbıt/s-qa jetti. Besinshi býyn baılanysy, 5G engizilýde.
- Tsıfrlyq memlekettik qyzmetter: tsıfrlandyrylǵan qyzmetterdiń úlesi 80%-dan 91%-ǵa deıin ósti. Tsıfrlyq memlekettik qyzmetterdiń 96%-y smartfon arqyly qoljetimdi.
- Qolma-qol aqshasyz ekonomıka: qolma-qol aqshasyz tólemder kólemi 14 esege artyp, 13,3 trln teńgeden 186,3 trln teńgege deıin ósti.
Eske sala keteıik, buǵan deıin qazaqstandyqtarǵa IT meńgerýge 500 myń teńgege deıin vaýcher beriletinin jazdyq.
