Qazaqstannyń tsıfrlandyrý jáne robottandyrý salasynda áleýeti zor – vıtse-mınıstr
ASTANA.KAZINFORM - Bul sektorda jetistikke jetip júrgen daryndy oqýshylardy bolashaqta otandyq óndiriske tartý qajet. Bul jóninde QR Jasandy ıntellekt jáne tsıfrlyq damý birinshi vıtse-mınıstri Rostıslav Konıashkın málimdedi.
– Elimizdegi mektepterde 1800-den astam robototehnıka kabıneti jumys istep tur. Onda elý myńnan astam oqýshy arnaıy bilim alyp jatyr. Mundaı jobalar jemisin berip keledi. Qazaqstandyq oqýshylar 2022 jyldan bastap 4 jyl qatarynan robototehnıkadan álem chempıony atandy. Basqa eshbir el mundaı jetistikke jete alǵan joq. Demek, Qazaqstannyń bul salada áleýeti zor. Endi daryndy jasóspirimderdi tıisti joǵary bilim alýǵa baǵyttap, olardyń elde qalýyna, otandyq óndiristi damytýyna jaǵdaı jasaý kerek, – dedi R.Konıashkın.
Aıta keteıik buǵan deıin mashına jasaý salasyndaǵy kelesi qadamdar tsıfrlandyrý, robottandyrý jáne JI engizý ekenin jazǵanbyz.
